Nalunaarutit

1.Siulittaasumit nalunaarutit

  1. Decembarip ulluisa aappaanni Aningaasaqarnermut Inuussutissarsiornermullu Ataatsimiititaq Paamiuni innuttaasunik ataatsimiititsivoq. Takkussuuttoqarluarpoq. 
  2. Inuussutissarsiuteqarfinni siuttut inuussutissarsiornermilu siunnersuisoqatigiit amerlasuut siunissami Nuummi ineriartortitsiviusinnaasut institut for fremtidsforskningimeersumit saqqummiunneqartut G-20-mi suleqatigiiffiusumut uiggiulugu workshoppertoqarnerani decembarip ulluisa pingajuanni soraareernerup kingornagut ataatsimiititsisoqarpoq, tassanilu workshoppernermi eqqartorneqartut saqqummiunneqarlutik. Workshoppernermit misissueqqissaarineq angusallu siunissami Nuuk pillugu illoqarfiullu suup tungaanut ingerlaqqinnissaa pillugu eqqartueqatigiinnissamut aqqutissiuusseqataalluarput. Upernaamut angusarineqartut illoqarfiit pingaarnersaannut periusissiaq ilanngullugu kommunip inuussutissarsiutit pillugit periusissiaata suliarineqarnissaanut najoqqutarineqassapput. Suliap ingerlanneqarnissaa inuussutissarsiornermut siunnersuisoqatigiinnit aallartinneqarpoq, Inuussutissarsiornermullu immikkoortortaq aaqqissuussisuuvoq .
  3. Decembarip ulluisa pingajuanni kommunalbestyrelsimut ilaasortat Nuummiittut Tele-Post-imit qaaqquneqarlutik  Katuami kaffillernertalimmik isiginnaarutikkut nappaanersiornermi peqataapput. Tassunga pissutaavoq Tasiilami nutaamik Satellitsiliortoqarsimammat, satellitseqarfiusuni internetsikkut attaveqaatinik pitsaanerulersitsisussamik.
  4. Borgmesteri ulluni 8. aamma 9. decembari Kommune Kujallermi borgmesterimit, Qeqertallip Kommuniani borgmesterimit, Qeqqata Kommuniani borgmesterimit aamma Avannaata Kommuniani borgmesterip tullianit tikeraarneqarpoq. Namminersorlutik Oqartussat inissiaataasa kommuninut tunniunneqarnissaat sammineqarput. Tamatuma saniatigut Isumaginninnermut Naalakkersuisoqarfiup aamma Aningaasaqarnermut Naalakkersuisoqarfiup suliffeqanngikkallarnermi ikiorsiissutit aamma pisortanit ikiorsiissutit pillugit aaqqissuusseqqinnissartik pillugit saqqummiipput. Sammisaqarneq borgmesterit aamma Aningaasaqarnermut Naalakkersuisoqarfiup tamanut tapiissutit isumaqatigiinniutigineqarneri pillugit ataatsimiinnermik naggaserneqarpoq.