Nalunaarutit

2a. siulittaasup nalunaarutai

2b. ingerlatsiviup nalunaarutai

2a. soqanngilaq

2b. 

Oqartussaaffeqarfik

Ingerlatsivimmit juunimi 2020 innuttaasunik kajumissutsimik sullissinissaq siunertaralugu qinnuteqaatit marlussuit tiguneqarput akuersissutigineqarlutillu. Suliniutip aappaa tassaavoq Nuummi Natteravnene 25.000 kr.-nik tunissuteqarfigineqartut.

Nuummi Natteravnene ornitassatut neqeroorutit allat piffissani matoqqaffiini meeqqat inuusuttullu inersimasunut akisussaassusilimmik saaffiginninnissaminnut periarfissittarpaat. Suliniutip aappaat 46.500 kr.-nik tunissuteqarfigineqartoq tassaavoq Mad og Masterclass. Uani inersimasup pitsaasunik nerisassiorsinnaasup 2020 ukiaanerani inuusuttut navianartumiittut Foodlab-imut qaaqqusinnaavai, tassanilu ataatsimut pitsaasunik peqqinnartunillu ataatsimut nerisassiorsinnaapput. 

Ataatsimiititap ataatsimiinnissaani aggusti qaammat aningaasaliissutinik agguaassineq ilisimatitsissutigineqarumaarpoq.

Utoqqarnut tunngasut

Utoqqarnik suliassaqarfimmi ukioq kingulleq aqutsinikkut ineriartorneq malinnaaffigineqarpoq. Nuummi aqutsisut 16/06-ianni tamarmik Nuukullammi katersuutissapputk (aqutsisut Paamiuniittut Tasiilamiittullu oqarasuaatikkut malinnaatinneqassapput). Malitseqartitsilluni ataatsimiinnermi peqataasut tamarmik suliat ineriartornerat misissussavaat iluatsinneqartut unamminartullu qitiutillugit. Tamakku tunuliaqutaralugit aqutsisut siunissami suliassanut pilersaarusiussapput.

Ataatsimiinnermittaaq aqutsisut utoqqarnik suliassaqarfimmi covid-19 pillugu periusissat oqaluuserissavaat.

Kommuneqarfik Sermersuumi covid-19 atugaaqqilissagaluarpat sulisut tamarmik piareersimanissaat toqqissisimanissaallu siunertarineqarpoq.