Nalunaarutit

2a. siulittaasup nalunaarutai

2b. ingerlatsiviup nalunaarutai

2A. Soqanngilaq

2B.

Suliffeqarnermut Isumaginninnermullu Ingerlatsivimmi aggustip aallaqqaataani 2020-mi pisortanngortoq, Ejner Grønvold tikilluaqquarput.

Ombudsmandi aggustip 12-iani 13-ianilu Utoqqaat Illuannut nakkutilliiartorluni pulaassaaq (UI).

Sammisassaqartitsiviutigaluni ornittagaq Kammagiit ataasinngornermi juulip 27-anni ukiunik qulinngortorsiorluni nalliuttorsiorpoq.

Utoqqarnut tunngasuni puigortunngortunut suliniut aallartereerpoq. Suliniummi sammineqartussat tassaapput atortunik, utoqqaat ilisarisinnaasaannik arlaatigullu misigissutsiminnik takutitsiffigisinnaasaannik katersinissaq. Atortunik takunninnissamut attuinissamullu periarfissaqarnissaat, assersuutigalugu piniutitoqqat ilaat, aliannaartitsisinnaasunik oqaloqatigiissutigineqarsinnaasunillu. Tamakkua innuttaasunut pingaaruteqartorujussuupput.

Suliffeqarnermut Isumaginninnermullu Ingerlatsivik inissianut utoqqarnut naleqqussakkanut utaqqisunut allattorsimaffimmut saaffiginnissuterpassuarnik tigusaqartarpoq. Ingerlatsivimmit paasilluarneqarsinnaavoq qanigisaasut sukkasuumik sullinneqarnissaminnik kissaateqarnerat. Inissiat utoqqarnut naleqqussakkat erseqqissumik piumasaqaateqarnikkut akuersissuteqarfigineqartarput, aammalu innuttaasut pisariaqartitsinerpaat utaqqisuni sallersanngortinneqartarput.

Sanarfinermut Avatangiisinullu Ingerlatsivik, Iserit aamma Tarraq suleqatigalugit innuttaasut angerlarsimaffeqanngitsut ataavartumik ineqarfissaannik pilersitsinissaq  ingerlatsiviup sulissutigaa. Alloriarneq siulleq tassaassaaq, angerlarsimaffeqanngitsut tupeqarfimmiit utaqqiisaasumik inissianut blok C-mut D-mullu nuutsinnissaat. Suliap ingerlanerani attuumassuteqartut peqataatinnissaat kommunip qitiutippaa.