Nalunaarutit

2a. siulittaasup nalunaarutai

2b. ingerlatsiviup nalunaarutai

2a.

  • Pilutami sammisassaqartitsisarnerit utoqqaat illuisa sammisassaqartitsiviinut nuunneqarnerit tunngatillugu innuttaasut saaffiginnissutaat.
  • Ataatsimiititap Nuummi angalanissaa pilersaarusiorneqarpoq.

2b.

Utoqqarnut tunngasut:

  • Ombudsmandi aggustip 12-ani 13-ianilu Utoqqaat Illuannut nakkutilliiartorluni pulaarpoq.
    Najugallit, sulisut qanigisallu oqaloqatigineqarput.
    Ataatsimut isigalugu UI nuannersumik utertitsiffigineqarpoq – ombudsmandi naapertorlugu UI nuannerluinnartuuvoq. Ombudsmandip maluginiarpaa, sulisut najugalinnik ataqqinnittorujussuusut, sulisullu inussiarnersuusut. Annikitsunik ”kukkuneqalaarpoq”, tamakkuli aqutsisut ingerlaannaq iliuuseqarfigereerpaat.
    Ataatsimoortumik nalunaarusiaq kingusinnerusukkut kommunimut nassiunneqassaaq.
  • Nuummi Angerlarsimaffimmi ikiorteqarneq pitsaasumik ineriartorpoq. Sulisut ilinniarsimasut amerlassusaat marloriaatinngornikuuvoq (maannakkut ilinniarsimasut 23-upput ilinniarsimanngitsullu tallimaallutik). Peqatigitillugu napparsimalluni sulinngitsoortarnerit siornamut sanilliullugit affaannanngortinneqarput. Maannakkut pitsaasumik ineriartorneq nangittumik sulissutigineqarpoq.

Oqartussaaffeqarfik:

  • Inissianut katitertakkanut isertertoqarnissaa
    Ingerlatsiviup (ornigullutik sullissisartut) inissiani katitertakkani najugallit paasissutissiiffigalugit ataatsimiitissimavai, inissianullu katitertakkanut nutaanut iserternissamut piareersarlugit, taamaasillutik inissiani katitertakkani najugallit ilisimatilluarneqassammata piareersimalluassallutillu.
    Septembarip qiteqqunnerani isertertoqarnissaa naatsorsuutigineqarpoq.

Innarluutilinnut tunngasut:

  • Sapaatip akunnera inunnut innarluutilinnut tunngatitaq (5 – 9 oktobari) qanilliartorpoq. Sammisassanut ilaatigut ilaapput:
    • Amisuni ammaanersiorluni oqalugiarneq
    • Aalisallaqqinneqqusaanneq
    • NIIK – Nunatsinni Inuit Innarluutillit Kattuffiat – peqatigalugu aaqqissuussineq ”Innarluutit ersinngitsut saqquminerulersillugit”, tassanilu Frederik Elsner aamma ilanngussassaqarpoq.
    • Tallimanngorneq oktobarip qulingiluaani OCN-imit allagartanik agguaassineq. Ukioq manna atuisut, qanigisat immikkullu qaaqqusat peqataassapput, taamaasillutillu COVID-19-imut maleruaqqusat malinneqassallutik.