Nalunaarutit

2a. siulittaasup nalunaarutai

2b. ingerlatsiviup nalunaarutai

2a. 

1.Atuartut elevhjemmimi najugallit Ittoqqortoormiineersut, Nuuliartussat, toqqaannartumik Islandikkooratik apuunnissaat sulissutigineqarpoq. Tamanna piffissamik nukissanillu atuilluarnerussaaq, tassami ilinniartitsisoq siumut utimullu ilaasariaqanngimmat.

2. Ittoqqortoormiini atuarfiup pisortaatut atorfik inuttassarsiuteqqinneqarpoq. Siullermeernermi taamaallaat qinnuteqartut marluupput, Ingerlatsiviullu inuttassarsiuusseqqinnissaq toqqarpaa, qinnuteqartunik amerlanerusunik toqqagassaqarniassammat. Atuarfiup pisortartaarnissaata tungaanut, ilinniartitsisut ilaat pisortaatikkallarneqassaaq.

3. Aamma Arsummi atuarfiup pisortaatut atorfik inuttassarsioqqinneqarpoq. Siullermeernermi qinnuteqartoqarsimanngilaq.

4. Atualeqqaarnissap peqqinnissamik oqartussat innersuussutaat naapertorlugit pilersaarusiornera aallartereerpoq.

2b. 

1. Siusinnerusukkut ilisimatitsissutaareersutut ingerlatsivik aaqqissuusseqqiffigineqarpoq. Immikkoortoq siulleq naammassillugu atuutilersinneqareerpoq, taamaalillutik innersuussisartut maannakkut ulluunerani neqeroorutinut akuulerput, taavalu sunngiffimmut tunngasut atuarfeqarnermut ilaatinneqalerlutik. Alloriarnerup tullia tassaassaaq ineriartortitsinernut sulisutut atorfimmik pilersitsinissaq, taanna meeqqeriviit nutaat aallartisartinnissaannik akisussaaffeqassaaq, tassunga ilanngullugu atuarfik nutaaq, aammalu ineriartortitsinermut suliassat, politikkikkut tulleriissaarinerit tunngavigalugit ingerlatsivimmit aallartinneqartussat.

2. Ingerlatsivik sivisuumik, aammalu sivisuumik napparsimaneq peqqutigalugu sulisunik amigaateqarsimavoq, taakkununnga ilanngullugit ACfuldmægtigitut atorfik, ilaatigut suliatsinnik ingerlatsisussaq amigaataasimalluni. Taamaattumik nuannaarutigaara oqaatigissallugu, maanna oktobarip aallaqqaataaniit nutaamik sulisortaaleratta. Taakkua saniatigut ingerlatsivik atorfinnik arlalinnik inuttassarsiuussaqarpoq, allagarsiuteqqitanik ilaqartunik. Neriuppugut oktobarimi tamakkissalluta.