Nalunaarutit

2a. siulittaasup nalunaarutai: Soqanngilaq

2b. 2b. ingerlatsiviup nalunaarutai: 

1. Nuummi meeqqeriviit atuarfiillu tamarmik anorersuartoqarnissaanik ilimasaarisoqareernerata kingorna ulloq 23. januaarimi nal. 14.00 matuneqarput. Aatsaavissuaq ukiuni makkunani taamaattoqarpoq.
2. Kapisilinni angajoqqaat angerlarsimaffinnilu paarsisartut akornanni ajornartorsiuteqarsimanerat peqqutigalugu meeqqeriveqarnermut fagchefi nunaqarfimmut angalavoq. Angalaneq pillugu nakkutilliinermut nalunaarusiaq ilisimatitsissutitut oqaluuserisassanut kingusinnerusukkut ilanngunneqarumaarpoq.
3. Ittoqqortoormiini angajoqqaat atuarfiullu akornanni ajornartorsiortoqarnera peqqutigalugu atuarfeqarnermut fagchefi atuarfimmut nakkutilliiartorluni angalavoq. Nakkutilliinermit nalunaarusiaq kingusinnerusukkut saqqummiunneqarumaarpoq.
4. Fagchefit atorfimminnut aallartisarneqaleruttorput.
5. iPadit nutaat missingersuutit 2020-mut ilanngunniarlugit Meeqqanut Atuarfeqarnermullu Ingerlatsivimmit puigorneqarsimagamik iPadinik pisinermut kvartalit aappaanni ilassutitut aningaasaliisoqarnissaanut qinnuteqartoqarumaarpoq.
6. Misi-p IA-nut (immikkut atuartitisneq) innersuussutit naammassivaat. Misi-p nutserisoqarfimmik suleqateqarluarsimanertik unnersiutigivaat.
7. Tasiilami, Ittoqqortoormiini Paamiunilu decembarip qaammataa tamaat juullimut aaqqissuussaqarfiuvoq, ilaatigut Santa Luciartoqarluni, orpiliamik ikitsisoqarluni ullukinnersiortitsisoqarlunilu.
8. 2020-mi januaarip ulluisa arfernanni illoqarfinni tamani timersorneq pillugu ulloqartitsisoqarpoq.
9. Sunngiffimmi atuartitisneq illoqarfinni tamani ingerlanneqarpoq.
10. Ittoqqortoormiini aputissaaleqineq peqqutigalugu majuartaat suli ammarneqanngilaq.
11. Qaammatikkaartumik aaqqissuussinerit aamma Nuannaffiit ingerlanneqarput.
12. Tasiilami majuartaatip februaarip qaammataata qiteqqunnerani ammassasoq pilersaarutaavoq.
13. Katersortarfimmi timersornermi inuuneqarneq pillugu oqalugiartoqarpoq.
14. Meeqqat inuunermik annaassiniartarnerat pillugu pikkorissartitsineq februaarip aallartinnerani aallartippoq maajillu qaammataani naanissaata tungaanut ingerlanneqassalluni.
15. Tak. AX, 2019-imi naatsorsuutinut tunngatillugu Meeqqanut Ilaqutariinnullu Ingerlatsivik marlunnik kisitsisitalinnik millioninik atuivallaarsimavoq. Sipaarniutaasimasutut aalajangikkat, SIK-p IMAK-illu akornanni akissarsianut tunngatillugu aaqqiissutaat iPadinut suliniummut aningaasaliissutaanngitsoortut ilaatigut peqqutaasinnaallutik.