Nalunaarutit

<p>2a. Borgmesterip nalunaarutai</p>

<p>&nbsp;</p>

<p>Justus Hansen&nbsp;(D), Sanarfinermut Avatangiisinullu Ataatsimiititami siulittaasoq</p>

<p>&nbsp;</p>

<p>Uju Peteren (IA) Meeqqanut Ilaqutariinnullu Ataatsimiititami siulittaasoq:</p>

<p>&nbsp;</p>

<p>Henrik Rachlev&nbsp;(IA), Meeqqanut Atuarfeqarnermullu Ataatsimiititami siulittaasoq:</p>

<p>&nbsp;</p>

<p>Charlotte Ludvigsen (IA) Suliffieqarnermut Isumaginninnermullu Ataatsimiititami siulittaasoq:</p>

<p>&nbsp;</p>

<p>&nbsp;</p>

2a.

1. Aggustip ulluisa 30-anni kommunimik qaninnerusumik suleqateqarnissaq anguniarlugu, borgmesterip IMAK-ip siulittaasua kaffisoqatigalugu ataatsimeeqatigivaa.

2. Aggustip ulluisa 31-anni Sermersooq Business Council 2018-imi ileqquusumik pingajussaa ataatsimiippoq.

3. Namminersornerullutik Oqartussat eqqunneqarneranit ukiut 40-nngortorsiorneranut, Namminersorlutik Oqartussat eqqunneqarneranit ukiut qulinngortorsiorneranut aamma Kuupik Kleistip naalakkersuinermik suliaqartutut ukiunik 30-nngortorsiorneranut atatillugu nalliuttorsiornermik atuakkiassatut saqqummersitsinissamut tapiiffigineqarnissaq pillugu Tusagassiorfik Sermitsiaq AG-mit qinnuteqaat ingerlatsivimmi juunip ulluisa 17-ianni tiguneqarpoq. Siusinnerusukkut Tusagassiorfiup Sermitsiap atuakkiornissamut suliniutaa ”Sallak – Lars Emil Johansen, Kalaallit Nunaanni politikkimi asseqanngitsoq” kommunimit aningaasaleeqataaffigineqarpoq taamaattumik qinnuteqaat una maannakkut pineqartoq akuersissutigineqassasoq borgmesterimit aalajangiunneqarpoq 20.000 koruunillu missaanni aningaasaliiffigineqassasoq.

4. Akunnerup naanerani septembarip ulluisa arfineq-aappaaniit qulingiluaata tungaanut Borgmesteri aamma Qeqertarsuatsiaanit Kapisilinniillu nunaqarfimmi aqutsisut Kapisilinnut tikeraarput. Innuttaasut septembarip ulluisa arfineq-pingajuanni ataatsimiisinneqarput. Sammisat makku eqqartorneqarput: Nunaqarfimmi aqutsisut pisinnaatitaaffii atuuffiilu, 2018-imi nunaqarfiit isumasioqatigiinnerat, unnukkut atuartitsisalernissamik kissaateqarneq, Kommuneqarfik Sermersuumi nunaqarfinni innuttaasut oqallittarfiat aammalu Kapisillit siunissaat takornariaqarneq ilanngullugu pillugit innuttaasut eqqarsaataannik kissaataannillu unnuk naggaserneqarluni.

5. Septembarip ulluisa qulinganni Borgmesteri Peqqissutsimut Naalakkersuisumit, Doris Jakobsen Jensenimit ataatsimiigiaqquneqarpoq. Naalakkersuisup Arsummi innuttaasunik ataatsimiisitsinini aamma sukkornermut aamma inuunerissartarfimmut NOVO-p suliniutaanik ataatsimeeqateqarnini ilisimatitsissutigivai.

6. Nuummi najukkami ataatsimiititaliamik pilersitsinissaq pillugu Nuummi innuttaasunik sullissivimmi paasissutissiilluni ataatsimiisitsineq septembarip ulluisa qulinganni ingerlanneqarpoq. Innuttaasut takkuttut 40-t missaanniipput ilaatigullu najukkami ataatsimiititaliamut qinersineq, ataatsimiititaliap suliassai kiisalu Kommunalbestyrelsimik suleqateqarneq pillugit saqqummiivigineqarlutik. Paasissutissiilluni ataatsimiisitsinermi Borgmesteri, Borgmesterip tullia siulleq Randi Vestergaard Evaldsen kiisalu Siumumi suleqatigiinni siulittaasoq Peter Davidsen peqataapput. Tamatuma saniatigut, septembarip ulluisa aqqarnani, Borgmesteri agguaavoq kiisalu, Kommunalbestyrelsimut ilaasortat ilaat Nuuk Centerimi aamma Qinngutsinni Brugsenimi najukkami ataatsimiititaliap pilersinnissaanut pilerisaaralutik angalaarput.

7. Septembarip ulluisa aqqarnani Borgmesterip Katuap siulersuisuini siulittaasoq, Katuap pisortaa aamma Kultureqarnermut Naalakkersuisoq, Vivian Motzfeldt, ataatsimeeqatigivai. Ataatsimiinneq illumik piginnittut attartortullu akornanni ilisimatitseqatigiinnertalik eqqartueqatigiinnertalillu pisortatigoortuunngilaq. Naggataatigut illumik piginnittut attartortullu suleqatigiinnermi periaasissaat eqqartorneqarpoq.

8.Septembarip ulluisa aqqaneq-aappaanni Nunat Avannarliit Siunnersuisoqatigiiffiat Borgmesterimit Nuummut tikilluaqquneqarpoq. Inatsisartut Siulittaasoqarfiat suleqatigalugu Nunat Avannarliit Siunnersuisoqatigiiffiata aaqqissuussaani Katuami ilassinnittoqarnerani Borgmesteri tikilluaqqusivoq. Nunat Avannarliit Siunnersuisoqatigiiffiat aatsaat siullermeerluni Nuummi ataatsimiippoq.

9. Septembarip 24-ianni borgmesterip Kommune Kujallermi, Qeqqata kommuniani (videokonferencekkut), Avannaata Kommuneani borgmesterip tullia siulleq aamma Kommune Qeqertalik-mi borgmeseteri pitsaasumik oqaloqatigiinnertalimmik ataatsimeeqatigai. Tamanna aaqqissuunneqarpoq politikkikkut ataqatigiissaarisartoqatigiit septembarip 25-ianni atatsimiinnerannut atatillugu.

10. Septembarip 25-ianni politikkikkut ataqatigiissaarisartoqatigiit Nuummi ulloq naallugu ataatsimiipput. Taamaasilluni Nuna tamakkerlugu eqqakkanut ataatsimoortumik aaqqiissuteqartoqarnissaa pillugu pingaarutilimmik aalajangiisoqarpoq, tassunga ilanngullugu aaqqissuussinermut nukissiuuteqarnermillu pitsanngorsaaneq. Kommunit akornanni nuna tamakkerlugu eqqagassalerinermi ataatsimoortumik aaqqiissuteqarnissaq pillugu ataavartumik oqaloqatigiittarnikkut, politikkikkut ataqatigiissaarisartoqatigiinni ataatsimeeqatigiit tamarmik isumaqatigiissutigaat, kommunit eqqagassalerinermi ataatsimoorussamik selskabiliussasut, nuna tamakkerlugu eqqagassalerinermi aaqqiissuteqartoqarnissaa ingerlatsisoqarnissaalu siunertaralugit. Pingaartumik peqqinnissaq avatangiisillu eqqarsaatigalugit, tamakkiisumik isumaqatigiissutigineqarpoq, sumiiffinni eqqagassaleriviit annikitsukkuutaat qimakkiartuaarneqarnissaat nukinginnarsisoq, taarsiullugulu Kalaallit Nunaanni ikuallaavinnik angisuunik naammattumik uninngatitsivittalinnik pilersitsisoqassasoq.

11. Septembarip ulluisa 26-anni aamma 28-anni Inuusuttut Kommunalbestyrelsiat Nuummi ataatsimiippoq. Inuusuttut Kommunalbestyrelsiata ataatsimiinnerisa siullersaraat. Ataatsimiinnissamut pilersaarut workshoppinik assigiinngitsunik imaqartinneqarpoq ilaasortallu pingaartitatik immikkut oqaluuserivaat tamatumalu kingorna pingaarnersiuinerminni pingaartitat pingasut toqqarlugit. Septembarip ulluisa 28-anni nal. 15.00 Kommunalbestyrelsip Ataatsimiittarfiani ataatsimiinneq Inuusuttut Kommunalbestyrelsiannit saqqummiinertalimmik naggaserneqarpoq, tassanilu pingaarnersiukkatik pingasut Kommunalbestyrelsimut innersuussutitut saqqummiullugit.

Pingaarnersiukkatut anguniakkat pingasut Kommunalbestyrelsimut innersuussutigisaat makkuupput:

  • 1.Arsaattarfiit nutaanik måleqalissasut. Målit inuppassuarnit atorneqartarput, kisiannili målit arlallit aserorsimapput.
  • Atuarfiit atuartitsissutit assigiinngitsut pillugit imminnut unammissapput. Ajugaasut paasisassarsiorlutik angalanissamut atugassanik aningaasannassinnaapput.
  • Illoqarfinni nunaqarfinnilu meeqqat sumiginnagaanermik atugaqartinneqarsimasut pitsaanerusumik ikiorneqartarnissaat. (Ilaqutariit cafeertinneqartalerlutik)
    Kommunalbestyrelsip tulliani ataatsimiinnissaanut inuusuttut kommunalbestyrelsiannit ataatsimiinnertaa ilisimatitsissutigalugu, ataatsimiinnerup naatsumik nalilersornera, minnerunngitsumillu Kommunalbestyrelsimut innersuussutit pingasut taakkulu politikkikkut suliarineqarnissaannut qanoq malitseqartinnissaannut siunnersuusiortoqarluni suliamik saqqummiussassaliortoqassaaq. Siunnersuutaasut pingasut 2019-imut missingersuutit aappassaaneernissaannut saqqummiunneqarumaarput.

12. Septembarip ulluisa 27-ianni Dansk Industri Kommuneqarfik Sermersooq aamma Siorarsiorfik A/S suleqatigalugit, Nuuk City Development (Siorarsiorfik) pillugu isumasioqatigiissitsivoq.  Isumasioqatigiissitsineq Københavnimi ingerlanneqarpoq, tassanilu borgmesterip tullia siulleq (borgmesteri sinnerlugu)  Kommuneqarfik Sermersuumilu kommunaldirektørilu peqataapput saqqummiussisunullu ilaallutik. Isumasioqatigiinnermi pilersaarut uani takuneqarsinnaavoq www.danskindustri.dk  uku iserfigalugit Konferencer og netværk.  

13. Oktobarip pingajuanni IBA-mut tunngatillugu, Qeqertarsuatsiaani rubinisiorfik pillugu IBA-mik isumaqatigiissuteqartut akornanni ataqatigiissaarisartoqatigiit ataatsimiissapput. 

14. Piffissami 4.-12. 

15. 17 – 22 Oktbari Ukioq manna Kommuneqarfik Sermersooq Arctic Circle Assembly ingerlanneqarnerani immikkoortunik marlunnik aaqqissuussissaaq, taakkunani siulleq Issittumi illoqarfinnut nuuttarneq pillugu isumasioqatigiittoqassalluni ilisimasalinnik najuuttulerlugu, aappaalu tassaassaaq kulturimut tunngasunik pisoqartitsineq, kommunip kulturikkut pisuussuteqarluartuunera ornitassatullu pissanganartuunera nittarsaanniarlugu. 

 

Justus Hansen (D), SAA siulittaasoq

Upalungaarsimanermut pisortap tullersortaa Steen Boassen sapaatiummat 30. septembari 2018 toqukkut qimaguppoq. Eqqaaneqarnera ataqqinartuuli.

Nuussuarmi kalaaliaratoqaq isaterneqaleruttorpoq. Sumiiffimmi toqqissisimanngittarnermut annikillisaataassagunarpoq.

Kommunalbestyrelsip sanaartornermi pilersaarutai arlallit naammassineqalerput, tassani ilaatigut pineqarlutik Tasiilami inissiat qulit, Tiilerilaami illu affarleriiusoq, Kulusummi nipilersornermut ilinniarfik kiisalu Kulusummi Tiilerilaamilu multibanit.

Nuummi ikaartarfik inissinneqarpoq, naammagupporlu.

Tuujummi inissiat 42-t siulliit tiguneqareerput.

Asfaltilerineq qaangiukkiartorpoq. Kommunimi sulisut asfaltilerisartut ukioq manna aamma ullup ataatsip ingerlanerani suligasuartarnertik kingumut takutikkaluaraat pilersaarutaasut aasap ingerlanerani sialleqattaarsimanera pissutigalugu tamakkerneqanngitsoorput.

 

Uju Petersen (IA), MIA siulittaasoq

Efterværn pillugu inissiat 15.it pillugit suliat aallartisarneqarput – Unge rådgiverit suliaat allaanngortisarlugit

Angerlarsimaffiup avataanut inissiingikkaluarluni meqqat Ilaqutariillu pitsaasumik sillinneqartaenissaat anguniarlugu Familierådslagning annertunerusumik atorneqarnissaa siunertaralugu annertusaasoqarpoq.

Meeqqat inuusuttuaqqallu atornerluisut sullinneqalernissaat anguniarlugu illu Saqqarlernut suleqatigalugit aaqqissueqqinneq ingerlanneqarpoq.

Qallunaat Socialministeriaqarfiani sulisut ataatsimeeqatigineqarsimapput maaninnnerat iluatsillugu

 

Henrik Rachlev (IA), MAA siulittaasoq

Nivi Olsenip sulinngiffeqarnera pissutigalugu 1. septembari aallarnerlugu siulittaasunngorpunga.

Suna tamarmi pissusissamisut ingerlavoq.

Immikkut ittumik marloriarluta ataatsimiippugut, aamma Michael Rosing – Suleqatigiissitsisuneersoq ilaasortanngorpoq. Tkilluaqquarput.

Missingersuusiornermi isumaqatigiinniarnerit imaannaanngikkaluartut angusat pitsaasuupput.

Pisortaq Helene sapaatip akunnerit tamaasa oqaloqatigisarnissaa anguniagaraara.

 

Charlotte Ludvigsen (IA), SIA siulittaasoq

Ulloq 12. Oktober 2018, Innarluutilinnut tarnimikkullu Nappaatilinnut Immikkoortortaq pingajussaaneerluni OCN-imit

uppernarsaatinik agguaassivoq (Open College Network). Innuttaasut 25-it annertuumik innarluuteqartut OCN-aqqutigalugu ilinniakkamik ingerlatsisimapput, namminneq najugaqatigiiffimminni imaluunniit

ornittakkami Kammagiit-ni. Isumaginninnermut Suliffeqarnermullu Ataatsimiititaq agguaassinermi najuunnissamut qaaqquneqarpoq,

Katersortarfimmi tallimanngorneq nal. 15 Utoqqarnik suliassaqarfik suliniummut "Nunani Avannarlerni

Piginnaanngorsaqqiineq" (”Nordisk Arktisk rehabilitering”) ilaavoq, taannalu Nunani Avannarlerni Ministerit Siunnersuisoqatigiivisa aningaasalerpaat. Suliniummi pingaarnertut siunertaasoq tassaavoq

utoqqarnik piginnaanngorsaanermi misilittakkanik avitseqatigiinnissaq. Suliniut Nunani Avannarlerni Ministerit

Siunnersuisooqatigiivinit 228.000 kr.-nik tunineqaqqammerpoq. Aningaasallu ilai Torshavnimi ukiamut misilittakkanik

avitseqatigiinnertalimmik isumaqasioqatigiinnermut atorneqassapput. Suliniummi peqataasut Kommuneqarfik Sermersuup saniatigut tassaapput: Arctic Consensus (suliniummik ataqatigiissaarisoq),

Ældre og Handicapforvaltningen Aalborg Kommunimeersoq aamma Helse og

Omsorgstjenesten Tórshavnar Kommunumeersoq.

Kommuneqarfik Sermersuup ilisimatusarnermi suliniut ”Age Arctic” peqataaffigaa, taannalu tassaalluni nunani issittuni

utoqqaliartortarneq pillugu sukumiisumik misissuinermik suliniutit siullersaat. Suliniummut ilaatillugit ukiamut aallartinneqartussat ilaat tassaavoq puiguttortut qanigisaannut tunngasunik taakkulu

misigisartagaannik misissuineq. Sulisut, innuttaasut qanigisaasullu peqataatinneqassapput.

Aggusti 2017-imut tunngatillugu, Nuummi Angerlarsimaffeqanngitsut ornittagaanni unnuisartut aggusti 2018-imut sanilliullugit 13,6%- inik amerlanerusimapput. Pingaartumik angutit unnuisartut

amerlanerulersimapput, 2018-imi (aggustip tungaanut ilanngullugulu) 2017-imi unnuisartunut sanilliullugu 2.676-it unnuisimapput. Arnat eqqarsaatigalugit piffissami tassani unnuisimasut 299-iusimapput.

Ukioq kingulleq angerlarsimaffeqanngitsuuneq pillugu suliniuteqartoqarpoq, innuttaasut isumaginninnikkut

tunniunneqartartunik atornerluisimasutut pasillerneqartut Innuttaasunik Sullissivimmit ’marsertoqarsimanera’-nik

taaneqartartoq atorneqarsimammat. Imaassinnaavoq innuttaasut amerlasuut namminneq inigisaqanngitsutut nalunaarsimasut (angerlarsimaffeqanngitsutut), taamaasillutillu ikinngutiminni ilaquttaminniluunniit najugalittut allassimajunnaarlutik. Tiliup ataatsimeersuartitsinissaanut siullermeersumut Novemberip 11.-iani  pisussami siulittaasutut qaaqquneqarpunga. Ataatsimeersuarnermi Kalaallit Nunaanni Isumaqatigiissutip atuutsilerneqarnissaanut suut aporfiusinnaanersut aamma inuit innarluutillit pisinnaatitaaffii qanoq nukittorsarneqarsinnaanersut qulaajarneqassapput . Ataatsimeersuarnermi Nunatsinni innarluutillit pillugit attuumassuteqartut tamaasa katersortinneqassapput Kalaallit Nunaannilu Inuit innarluutillit pisinnaatitaaffii pillugit isumaqatigiissutip eqqortinniarneqarnera killiffilersorneqassaaq. Tamatuma saniatigut ataatsimeersuarnermi  siumut isigaluta qanoq iliorluta Inuit innarluutillit pisinnaatitaaffii pillugit isumaqatigiissutip atornerasigut inuit innarluutillit atugaat pisinnaatitaaffiilu pitsanngorsarsinnaanerlugit sammineqassapput.

Ataatsimiititaq piffissami 17.-20. aggusti Tasiilamut angalassaaq, aamma nunaqarfiit Kulusuk il.il. tikissavagut.