Nalunaarutit

<p>2A. Siulittaasumit nalunaarutit</p>

<p>2B. Ingerlatsivimmit nalunaarutit</p>

  1. Borgmesterip angalanissamut pilersaarutai malillugit Tasiilamiittussaagaluarpoq ulluni 11.-14.  apriili 2018. Silarlunnera pissutigalugu timmisartukkut angalanissat unitsinneqarmata angalanissaq taamaatiinnarneqarpoq. Taamaattorli pilersaarutit malillugit 2018-imi Kulturimut nittarsaassisartumik toqqaasoqarnissamut aaqqissuussaq Tasiilami ingerlanneqarpoq. Kommuneqarfik Sermersuumi ulloq 12. apriili Gedion Qeqe 2018-imi Kulturimut nittarsaassisutut toqqarneqarpoq.
  2. Ulloq 15. apriili borgmesteri Frelsens Hærimut pulaarpoq, tassanilu angerlarsimaffeqanngitsutut inuuneq pillugu filmimik Frelsens Hær naatsuliamik takutitsivoq.
  3. Ulloq 16. apriili Ataqqinartorsuaq Dronning Margrethe inuuissiorpoq. 78-inik ukioqalerpoq. Pisarneq malillugu Ataqqinartorsuup inuuissiornera Nuutoqqami nalliuttorsiutigineqarpoq, tassanilu qamutilittartoqarlunilu borgmesteri oqalugiarpoq. Tamatuma saniatigut nipilersortunik tusarnaatitsisoqarpoq meeqqanullu poor´loqarlunilu kissartumik kakaaveqarpoq.
  4. Ulloq 17. apriili borgmesteri NAIP ataatsimeeqatigaa, tassani peqatigiiffiup illuanut atatillugu ajornartorsiutaasinnaasut eqqartorneqarput.  Ataatsimiinneq kommunip NAIP-llu akornanni pissarsiaqarfiulluarluni ingerlanneqarpoq.
  5. Aningaasaqarnermut Inuussutissarsiornermullu Ataatsimiititaq angalassaaq piffissami 23.-26.  maaji 2018, maannalu Tasiilamiillutillu Kulusummiissapput. Ataatsimiititap angalanissaanut pilersaarut maanna suliarineqarpoq, ataatsimiititallu ilaasortaasa sap.ak. 19-imi pilersaarut mailikkut nassiunneqarnissaa naatsorsuutigisinnaavaat.
  6. Ulloq 24. apriili 2018 Inatsisartunut qinersisoqarpoq.
  7. Ulloq 11. maaji 2018 Nuup Bussii A/S, Iserit A/S aamma Nuuk City Development A/S ataatsimeersuarput. Ullup ingerlanerani piffissani assigiinngitsuni ataatsimeersuarnerit immikkut ingerlanneqarput.