Nalunaarutit

  1. Ulloq 22 novembari Borgmester Asii Chemnitz Narup kiisalu Aningaasaqarnermut Inuussutissarsiornermullu Ataatsimiititami ilaasortat innuttaasunut ilungersuussilluartunut inuiaqatigiinnullu immikkut ittumik suliniuteqarluartunut kajumissaasiipput.  Ukioq manna innuttaasut ilungersuussilluarsimasut kajumissaaserneqartut pingasut toqqarneqarput. Kajumissaasiineq NUIFimi ingerlanneqarpoq.
  2. ulloq 5 decembari Borgmesteri Gentofte Kommunemi Kommunaldirektørimik ataatsimeeqateqarpoq, UNECEF suleqatigalugu Gentofte Kommunip Tunumi meeeqqat inuusuttullu katersuunniarneqarnerisa malitseqartinneqarnissaat eqqarsaatigalugu. Ataatsimiinneq Gentoftep rådhusiani ingerlanneqarpoq.
  3. Ulloq 5 decembari ”Greenland Conference 2018” Københavnimi ingerlanneqarpoq, Kalaallit Nunaanni aningaasaliisarneq, attaveqaatit, ilinniartitaanermi piginnaasat aatsitassallu qitiutillugit. Ataatsimeersuarneq Dansk Industrimit (DI) aaqqissorneqarpoq, Danmarkimiit aamma Kalaallit Nunaanniit saqqumiisoqarluni. Borgmesteri saqqummiisutut peqataavoq.
  4. ulloq 5 decembari Borgmesteri Københavnimi "Nationalgalleriet" siulersuisuisa ataatsimiinneranni peqataavoq. Borgmesteri Nationgalleriet-mi siulersuisuni ilaasortatut peqataavoq.
  5. ulloq 10 decembari Borgmesteri nunaqarfimmi aqutsisunik kvartalikkuutaartumik ataatsimeeqateqartarnini ukioq manna naggataarlugu ataatsimeeqateqarpoq.
  6. 7 Kommuneqarfik Sermersuup Nuummi innuttaasut 18.000-ngornerat nalliuttorsiutigaa. Nalliuttorsiornermut atatillugu #Ilovenuuk aqqutigalugu assilisanik ajugaaniutsitsisoqarpoq. Nalliuttorsiutiginninneq pissaaq 14 decembari kommunip allaffiata ataatsimiittarfiani nal 15.30-16.30 sutugassaqarlunilu  aliikkusersuisoqassaaq. Soorunami assinik ajugaaniutsitsinermi tallimat toqqarneqarumaarput!
  7. ulloq 18 decembari Borgmesteri Kalaallit Nunaanni aningaasaateqarfiit attaveqatigittut Danmarkimi ataatsimiinnissaannut qaaqquneqarpoq. Ataatsimiinneq Københavnimi ingerlanneqassaaq.
  8. ulloq 18 decembari Københavnimi Borgmesteri Grennessminde-mi pisortamik, Hanne Danielsen, ataatsimeeqateqassaaq.
  9. ulloq 27 decembari Borgmesteri Meeqqat angerlarsimaffiata Tupaarnap juullimi nalliuttorsiornissaanut aggersarneqarpoq
  10. ulloq 28 decembari Borgmesteri Sammisassaqartitsiviup Ippiarsuup ukioq manna naggataarnersiornissaanut "Ukiutoqarsiorneq"-mut aggersarneqarpoq
  11. ulloq 9 januaari Borgmesteri suleqatiminut (politikerinut) aamma suleqatigisanut ukiortaami ilassinneqatigiissitsissaaq. Kommunalbestyrelse ulluni qaninnerni qaqqisussummik tigusaqarnissani ilimagissavaa.
  12. Kommunalbestyrelsip ataatsimiiffissaralua ulloq 18 juuni 11 juunimut siuartinneqarpoq, ulloq sammisassaqarfiusoq 17 juuni nuutinneqarpoq pingasunngorneq 12 juunimut, ulloq 10 juuni pinse ulluisa aapparimmagu.
  13. Angajoqqaat perorsaasullu kommunalbestyrelsimut ulloq 19 november 2018, akerliussutsimik takutitsinerata malitsigisaanik Qinikkanut Allatseqarfiup meeqqanut atuarfeqarnermullu ingerlatsivik suleqatigalugu illuatungiliuttut attuumassuteqartut ataatsimeeqatiginissaannut peqataasussat allattorneri imarisassaalu pilersaarusiuleruttorpaat. Ilimagineqarpoq ataatsimiinnissaq 2019-mi januaari qiteqqunnerani piumaartoq. Akerliussutsimik takutitsinermi pineqarpoq Nuummi meeqqerivinni pissutsit naammagineqannginnerat.