Nalunaarutit

2a. Siulittaasumit nalunaarutit

  1. Ulloq 6. januaari, timersortartut ulluat Kommuneqarfik Sermersuumi Tasiilami, Paamiuni, Ittoqqortoormiini aammalu Nuummi nalliuttorsiorpalaartumik nalliussineqarpoq. Ilaatigut Holditsialaat, Timersullamak, Sungiusaasuullammak il. il. toqqarneqarput.
  2. Ulloq 9. januaari, borgmesteri suleqatiminik (qinikkanik) suleqatigisanillu ukiortaami ilassinnippoq. Kommunalbestyrelsip aggersarneqarnera maili aqqutigalugu pivoq.
  3. Ulloq 11. januaari borgmesterip Peqqissutsimut Naalakkersuisoq Martha Abelsen ataatsimeeqatigivaa.
  4. Ulloq 25. januaari Sermersooq Business Council-imi siulersuisut ataatsimiissapput, tassungalu borgmesteri aamma aggersarneqarpoq.
  5. Ulloq 30. januaari 2019, borgmesteri politikkikkut ataqatigiissaarisartoqatigiit (PKG) Qaqortumi ataatsimiinnissaannut aggersarneqarpoq. PKG-p ataatsimiinnginnerani ulloq 29. januaari 2019 Naalakkersuisut immikkut sammisaqartitsinermik aaqqissuussaqarput. Taamaattumik borgmesteri Qaqortumiissaaq piffissami 29-31. januaari 2019.
  6. Ulloq 30. januaari 2019 Hans Hedtoftip umiuneraniik ukiut 60-inngortorsiornera malunnartinneqassaaq. Kommuneqarfik Sermersooq ajunaartunut kinguaajusut malunnartitsinissamik annertuumik suliniarsimanerat tapersersorlugu ulloq taanna eqqaaniaassaaq. Umiartortut Angerlarsimaffianni kransiliisoqassaaq, Hans Egedip Oqaluffiani naalagiartoqassaaq kiisalu Katersortarfimmi kaffillertoqassalluni. Ullormi aamma tassani Tasiilami innuttaasunit iliuuseqartoqarneratigut eqqaaniaalluni naalagiaqatigiinnermik kaffillernermillu malunnartinneqassaaq.
  7. Piffissami 2.-6. februaari borgmesteri Tasiilamiissaaq. Ulloq 3. februaari B-2-p ammaanersiorlugu ilasseqatigiinneqassaaq – inuusuttut kulturikkut illorigallagaat, aamma ulloq 5. februaari borgmesteri innuttaasunik ataatsimiititsinissamik pilersaaruteqarpoq.
  8. Sap. ak 8-mi Aningaasaqarnermut Inuussutissaqarnermullu Ataatsimiititaq Svalbardimut Qallunaat Nunaannullu paasisassarsioriarluni. Angalanermi takornariaqarneq aammalu aningaasaqarnermut tunngasoq cirkulær økonomi-mik qallunaatut taasagaq ilaatigut paasisassarsiorfigineqassapput.