Nalunaarutit

<p>2A Borgmesterimiit nalunaarutit</p>

<p>2B Ataatsimiititanit ataavartuniit nalunaarutit</p>

<p>&nbsp;</p>

2A. Borgmesterip nalunaarutai:

• Apriilip ulluisa sisamaanni 2017 qinersineq pillugu Qinersinermut Siulersuisut apriilip ulluisa 28-anni kingullermik ataatsimiipput, tassanilu kommunimut qinersineq siulersuisut oqaluuseralugulu akuersissutigaat.

• Maajip ulluisa arfineq-pingajuanni Norgemiut Københavnimi ambassadøriat, Ingvard Havnen, Borgmesterip ataatsimeeqatigivaa, ataatsimeeqatigineranilu siunertarineqarpoq Norgep Nunattalu akornanni politikkikkut inuussutissarsiutitigullu tunngasunik nukittorsaaqqinneq, taannaannaanngitsorli aamma avatangiisit, silaannaq, ilisimatusarneq, ilinniartitaaneq il. il. pillugit ataatsimiissutigineqarlutik.

• Maajip ulluisa qulingiluaanni aamma qulingani Katuami "Future Greenland" pillugu ataatsimeersuarnermi Borgmesteri pisortaqatigiillu peqataapput.

• Maajip ulluisa qulingiluaanni Borgmesterip Canadamiut Københavnimi ambassadeanni sulisoq/oqaaseqartartoq, politikkikkut naalakkersuisunut siunnersortiusartoq, David Nelson, ataatsimeeqatigivaa. David Nelson "Future Greenlandimut" atatillugu Nuummut tikeraarpoq.

• Maajip ulluisa 18-ianniit 23-at ilanngullugu Borgmesteri, pisortaanerugallartoq peqatigalugu, Siorarsiorfiup pilersaarutigineqarnera (Nuuk City Development) suliareqqinnissaanut atatillugu Københavnimi angalassaaq. Dansk Industrimi saqqummiisussatut aggersaasoqarmat.

• Maajip ulluisa 22-anni Nunat Avannarliit Killiit illoqarfittut pingaarnersaasa aningaasaateqarfianni siulersuisut videokonferencekkut ataatsimiissapput. Borgmesteri Københavnimut angalasussaammat, Borgmesterip tullia siulleq, Nivi Olsen, Borgmesterimut Asii Chemnitz Narupimut sinniisutut ataatsimeeqataassaaq. Borgmesterip tulliata siulliup ataatsimeeqataanissaanut borgmesteri pisinnaatitsivoq.

• Maajip ulluisa 23-anni Iserit A/S-ip aamma Nuup Bussii ukiumoortumik ataatsimeersuassapput Kommunalbestyrelsip ataatsimiittarfiani ingerlanneqartussamik.