Nalunaarutit

Siulittaasumit:

1. Aasap ingerlanerani siulittaasutut aaliangiiffigisassat assingiinngisut soorlu meeqqat angerlarsimaffiup avataatigut akuerisaasumik aammalu akuersisitseqqaarani inissiisarnerit pillugit ilisimatitsivoq.  

2. Tasiilami fagchefi uninnikuusoq nalunaarutigaa.  

3. Juuni naalersoq Børnehjem Tupaarnap aasasiortarfia Kilaasarfimmiittoq Ingerlatsivimmi pisortaq Martha peqatigalugu alakkarsimallugu nalunaarutigaa. Angalanermini asimiinnerup qanoq meeqqanut pitsaatiginersoq aammalu qanoq pingaartiginersoq takusimallugu oqaatigaa. 

 4. Ataatsimiititap ulluni 22 – 24 septembari Nuummi paasisassarsiorluni angalaarnissaa nalunaarutigaa. Ingerlatsiviup ataaniittut illut neqoroorutillu aasigiingitsut ataatsimiititamit alakkarneqassasut oqaatigaa.