Nalunaarutit

Siulittaasumit nalunaarutit:

  • Qapiarfiusaami meeqqerivimmi Timmiaaqqani sulisoq meerarlu ataaseq Covid-19-imik tunillatsissimasut paasineqarmat, Corona pillugu Allatseqarfik isumasioqatigalugu meeqqerivik marlunngornermi misissuinerit inernerisa takkunnissaasa tungaanut marlunngorneq pingasunngornerlu matoqqatinneqarpoq. Tamatuma kingorna matoqqanera sivitsorneqassanersoq aalajangiiffigineqassaaq. USK-mi atuartoq ataaseq tunillatissimasutut nalunaarutigineqarpoq, klassialu angerlartitaasimallutik. 

 

Ingerlatsivimmiit nalunaarutit:

  • Atuarfeqarnermut Immikkoortortaqarfik aamma  Ulluunerani neqeroorutinut immikkoortortaq sapaatip-akunnera una Tasiilaliassapput, tassanilu nakkutilliinerit kiisalu ingerlatsiviup suliassaqarfiinut takorluukkat, suliassat anguniakkallu misissorneqassapput kiisalu suliffeqarfiit namminneq takorluugaannik suliassaannillu suliaqarneq aallartinneqassalluni.
     
  • Ingerlatsiviup ulluunerani neqeroorutinut tunngasunik ataatsimiititap immikkut sammisaqarnissaanut siunnersuutit suliarai. Ingerlatsiviup suliassaqarfimmi suliniutit assigiinngitsut misiligutitut ingerlappai, tassanngaaniillu misilittakkat suliassaqarfimmut immikkoortumut pilersaarummi ilanngunneqassapput. Taakku ingerlatsivimmit misissorneqassapput taamalu immikkoortumik pilersaarummik suliaqarnermi siusissukkut ataatsimiititap peqataatinneqarnissaa qulakkeerneqassaaq. Immikkut ittumik sammisaqarnissaq ukiaanerani ukiuuneraniluunniit kommunalbestyrelsip ataatsimiinneranut atatillugu ingerlanneqarnissaa siunnersuutigineqarpoq.