Nalunaarutit

2A: Mittarfiup tungaanut illuaraq.
Majoriaq suleqatigalugu iluarsartuunneqarpoq, qalipaqqammerluni. Augustimi nangillugu najoruminarsarneqassaaq.
Betoncentrali aamma attavigineqarpoq, qaliata (tag) pappiarlarsualernissaa.
 
2B: Illoqarfik kusassarnissaa siunertaralugu kanngussat ikkussuussassat aqqusinilerisut ulapputigaat. Siullertut mittarfiup eqqaani tikilluarimmi allagartaq siulliullugu sap. ak. 27 ikkussuunneqassaaq.
 
2C: Pavillion.
Qalipanneqassapput. Tom Johansson-mit neqeroorut utaqqiinnarparput. Aamma ukiorpallaannginnerani pavillion pingajussaat Betoncentralip sananeqassaaq. Taannalu Thomsensbutikkikup toqqaviani napparneqassaaq.
 
2D: Pinnguartarfik.
Pinnguartarfik Atuarfissuup saavani inissinneqartussap allamut nuunneqarnissaa siunniunneqarpoq, atuarfissuup saava sanaartorfiummat. Sap.ak. 28/29 Betoncentralip pinnguartarfik nutaaq ikkussuutissuaat. Taannalu arsaattarfeeqqap, spejdernetillu eqqaanut ikkussuunneqassaaq.
 
 

Nalunaarutit tusaatissatut tiguneqarput.

Illoqarfimmut kusassaatit kanngussat ikkussuunneqalereersimappata, immikkut aaqqissuussinikkut avammut saqqummiunneqassapput. Innuttaasunut tunniunneqassallutik.