Nalunaarutit

2a. Borgmesterimit nalunaarutit
2b. Ataatsimiititanik ataavartunit nalunaarutit

2a. Borgmesterimit nalunaarutit: 

  • Kommuneqarfik Sermersuup Aalborgillu kommuniata akornanni illoqarfittut ikinngutigiittut suleqatigiinnermut atatillugu Aalborgimi Kalaallit Nunaannut ulloqartitsinermi Sermersooq angalaqatigiinnik peqataatitaqarpoq. Pisussatut pilersaarutini aallaavigineqarput piujuartitsineq, avatangiisinik mingutsitsinngitsunut saariarnissaq taavalu inuussutissarsiutitigut ineriartortitsineq suliffeqarfiit imarsiornermut tunngasut aqqutigalugit. Ullut taakku qangalili ileqquliunneqarsimapput, ukiullu marlukkaarlugit Nuummi Aalborgimilu paarlakaattumik ingerlanneqartarlutik.
  • Kulturimik siuarsaanermut siunnersuisoqatigiit septembarip 9-anni ataatsimiissapput Siunnersiuisoqatigiit tassani ataatsimiinnerminni kulturikkut nittarsaasumik toqqaassapput
  • Aningaasaateqarfik Sermeq-mut qinnuteqarfissaq kingulleq pisarneq malillugu oktobarip aallaqqaataaniissanngilaq. Novembarip aallaqqaataanut kinguartinneqarpoq Nuummi Nunat Avannarliit Kulturikkut Pikialaartitsinerisa ingerlanneqarnissaa pissutigalugu.
  • Nuummi Nunat Avannarliit Kulturikkut Pikialaartitsinissaannut oktobarip 28-anniit 31-ata tungaanut pilersaarut naammassingajalerpoq. nuuknordisk.gl-ikkut billettinik pisisoqarsinnaavoq. Aamma App nittarsaanneqarnikuuvoq, aaneqarsinnaalereerpoq pisussallu nutarterneqartarneri                      malinnaavigineqarsinnaalereerlutik.
  • Nuuk Nordisk Kulturfestival katillugit 2 mio kr-nik aningaasaliiffigineqarsimavoq tamatumalu saniatigut maani inuussutissarsiuteqartunik amerlasuunik pitsaasunik suleqateqarlutik.
  • Paamiuni Kiinnat Festival piffissami 12.-17. septemberi ingerlanneqassaaq, naggaserneqassallunilu nipilersornermik katerinnikkut (AIA-mi nalunaarutinut aaqqiissut – qaamaat tamaajunami).
  • Dronningip tikeraarnissaa sivikitsumik piffissaqarluni taamaatinneqarpoq. Ulloq suna tikeraassanersoq pillugu kulturilerinermut immikkoortortap nalunaarutigiumaarpaa.
  • Sapaat septembarip tallimaat sakkutuujusimasut erfalasulissapput.
  • Tasiilami Inuusuttut Kulturikkut Illorsuata sap.ak. 37-imi atoqqaartinneqarnissaa naatsorsuutigineqarpoq.
  • Aappaagu Apummik Ilusilersuineq ingerlanneqassaaq 3. – 6. marts.
  • Aningaasaqarnermut Inuussutissarsiornermullu Ataatsimiititaq ulluni 1. – 8. septembarimi Tasiilamut nunaqarfinnullu Kulusummut, Sermiligaamut, Kuummiinut, Isertumut aamma Tiilerilaamut angalassaaq.  Assigiinngitsunik inuussutissarsiornermik suliaqartartut aamma innuttaasut naapinnissaat kiisalu Kommuneqarfik Sermersuumit suliniutit assigiinngitsut aallartinneqarsimasut pillugit paasissutissiinissaq siunertaavoq,  Taamalu ataatsimiititap nunaqarfimmi aqutsisunit sinniisut ataatsimeeqatigissavai aamma nunaqarfinni innuttaasunik ataatsimiititsisoqassalluni kiisalu Tasiilami suliffeqarfinnut pulaassallutik.
  • Nunaqarfinni Aqutsisut siulittaasui oktobarip aallartinnerani Nuummut tikissapput, tassanilu Kommunalbestyrelsip 2022-mut missingersuutit pillugu immikkut sammisaqarnerannut peqataassapput. Tamatuma saniatigut siulittaasut naapinneranni borgmesteri ataatsimeeqatigissavaat.

2.b Ataatsimiititanik ataavartunit nalunaarutit:

Meeqqanut Atuarfeqarnermullu ataatsimiititaq: Juaaka Lyberth (IA)

Soqanngilaq

Meeqqanut Ilaqutariinnermullu ataatsimiititaq: Avaaraq S. Olsen (IA)

  • Upernaaq maanna nuummi tryghedspatrulje aamma meeqqat ornittagaat iluatsilluartutut nalilerneqarpoq, politiit aamma nalunaarutigaat iluarisimaarinninnertik. Juli qaammataani aqqusinermi meeqqanik oqaloqatiginninnerit 100, angerlaassinerit 1130, orniguttarfiliaassinerit 263, unnuisut 18 il.il
  • Paamiuni Meeqqanut Ilaqutariinnullu ingerlatsivik Ilaqutariinnullu saaffiginnittarfik Tilioq ataatsimuulerput, tassani siunertarineqarluni nukiit ataatsimoortillugit suleqatigiilluarnikkut angusaqarluarnerunissaq.
  • Tasiilami aqutsisoqatigiit kissaateqarnerat naapertorlugu akisussaaffiit allanngortinneqarput
  • Aasaq manna naalungiarsuit angerlarsimaffiup avataanut inissinneqartut arlaqarput
  • Meeqqat Ilaqutariinnullu ingerlatsivimmi sulisut Tasiilaminngaanneertut Nuuminngaanniik Paan´miuninngaanneersorlu ilinniaqqitsinneqarput.
  • Kommuneqarfik Sermersooq´mi meeqqat angerlarsimaffiup avataanut sivisunerusumik inissinneqarsimasut augustimi 354-iusimapput
  • Nuummi pinerlutsaaliuvinissaq anguniarlugu politiinik allanillu suleqatigiiffimmik pilersitsisoqarpoq
  • Nuummi kinguaasiutikkut atornerluineq annikillisarniarlugu akimut suleqatigiinnik pilersitsisoqarpoq

Siluffeqarnermut Isumaginninnermullu ataatsimiititaq: Inge Olsevig Brandt (IA)

  • Tarraq, kommunimi angerlarsimaffeqanngitsut unnuisarfiannik ingerlatsisoq, Suliffeqarnermut Isumaginninnermullu Ingerlatsivimmit suleqatigineqarunnaarpoq. Tarraq isumaqatigiissummik naammassinninngilaq, ilaatigut akissarsititsisannginneq, ukiumut naatsorsuutinik nassiussisannginneq, atuisut allassimaffiat paasiuminaatsoq suleqatigisartakkallu arlallit pitsaanngitsumik suleqatigisarneri pissutaallutik.

           Ingerlatsineq maannamut kommunimit ingerlanneqarallarpoq killiffillu malinnaaffigisinnaanngulerlugu.

Sanarfinermut Avatangiisinullu Ataatsimiititaq: Justus Hansen (D)

  • Ataatsimiititaq NCD-mut pulaarpoq aamma atuarfissarsuaq qanoq innersoq meeqqerivillu alakkarlugit. Ukiumut pisussat ataatsimiititamit suliffeqarfiit sorliit pulaassanerlugit takuneqarsinnaaniassammata ingerlatsivimmit suliarineqaleruttorput. Tamanna pingaaruteqarpoq illutai sanaartornermilu assigiinngitsut kommunalbestyrelsimit aalajangiunneqartut ataatsimiititamit takuneqarsinnaaniassammata