Nalunaarutit

  1. Sørine Steenholdtip, Katuamit Kulturitta siuarsarneqarnissaa pillugu Siunnersuisoqatigiinnut toqqarneqarsimasoq, Siunnersuisoqatigiinnit tunuarnissani kissaatigaa. Taarsiullugu Katuamit Laura Lennert Jensen toqqarneqarpoq.
  2. Paamiuni inuiattut ullorsiorneq inuiattut erinarsuummik, ataatsimut kaffisoqatigiinnermik, puisimik pisaqaqqaarniunnermik aammalu Narsaamanermi nipilersortunit nalliuttorsiutigineqarpoq.
  3. Ittoqqortoormiini inuiattut ullorsiorneq illoqarfimmit nerisassianik, puisimillu pisaqaqqaarniunnermik erinarsornermillu nalliuttorsiutigineqarpoq.
  4. Tasiilami inuiattut ullorsiorneq ileqqut malillugit nalliuttorsiorneqarpoq.
  5. Kulturimut Immikkoortortaqarfimmit Ataqqinartorsuup Dronningip ulluni 24.-25. juuli Tasiilamut aamma ulluni 1.-2. aggusti Nuummut tikeraarnissaa naatsorsuutigineqarpoq. Pilersaarut piariilerpoq.
  6. Qaammatip aallartinnerani Borgmesteri AHL-imit meerarpassuarnik nuanningaartumik naapitsivoq. Atuarfik ukiunik qulinngortorsiorpoq, meeqqallu Hans Lyngep suliai takusarniarlugit kommunalbestyrelsip ataatsimiittarfianut pulaarput.
  7. Ukiamut Royal Run-ip ingerlanneqarnissaannut periarfissat pillugit allaffeqarfimmit DHL oqaloqatigineqarpoq.
  8. Sermersooq Business Tasiilami Paamiunilu sulisunik atorfinitsitsivoq. Sermersooq Businessimi sulisut marluk soraarnerannut atatillugu Nuup avataani, tassa Paamiuni Tasiilamilu, sulisunik nutaanik atorfinitsitsinissaq periarfissaalerpoq. Paamiuni katersugaasivik sulisumik ataatsimik avitseqatiginiarlugu isumaqatigiissuteqarfigineqarpoq. Tasiilami atorfimmik, aggusti/septembarimi inuttalerneqassangatinneqartoq, inuttassarsiuussisoqarpoq. Najukkami Inuussutissarsiornermut Siunnersuisoqatigiit peqatigalugit Nuup avataani inuussutissarsiornermut aaqqissuussamut naleqqiullugu periarfissaq una tulluarpoq. Sulisut, Sermersooq Businessimi suleqatit peqatigalugit, Inuussutissarsiornermut Siunnersuisoqatiiginnik tapersersuinissaq aammalu inuussutissarsiornermut periusissiami taaneqartut siuarsarneqarsinnaasut suliassaraat pingaarnerpaaq.