Nalunaarutit

2a.

  1. Aalborgimut ulloqartitsineq / Kalaallit Nunaannut ulloqartitsineq ukioq allortarlugu ingerlanneqartarpoq, taakkunani Nuuk Aalborgilu paarlakaallutik tikeraartitsisuusarput. Ukiormanna Aalborgimi kalaallit ulloqartinneqarnerat ingerlanneqassaaq. Ukiormanna sapaatip akunnerani 32-imi ingerlanneqartussami ulloqartitsinissamut pilersaarusiornissaq sulissutigineqarpoq. Kommuneqarfik Sermersuumit peqataatinneqassapput inuussutissarsiuteqartut akornanni sinniisut, atorfilittat aamma Aningaasaqarnermut Inuussutissarsiornermullu Ataatsimiititaq. Annertunerusumik paasissutissiisoqassaaq.
  2. Kommuneqarfik Sermersuumi Nunaqarfiimmi Aqutsisut una qaammat inissitsitileruttorput. Kangiani Nunaqarfimmi Aqutsisut Tasiilami maajip ulluisa 17-ianni aamma 18-ianni inissitsiterlutik ataatsimiissapput. Kitaani Nunaqarfimmi Aqutsisut maajip ulluisa 28-anni tassa tallimanngormat inissititerput. Ippassaq pisussat ulluni makkunani COVID-19-mi nalaanneqartut pillugit ataatsimiinnissaq unitsiinnarneqarpoq.
  3. Borgmesterip Attaveqatigiinnermut, Aatsitassanut Naligiisitaanermullu Naalakkersuisoq, Naaja H. Nathanielsen maajip ulluisa 17-ianni ataatsimeeqatigaa. Ataatsimiinneq ingerlalluarpoq, qulequttallu tulliuttut soorlu kommunip Namminersorlutik Oqartussat inissiaataannik tigusinissaa, ilaasunik timmisartuussineq, Kommuneqarfik Sermersuumi kiffartuussinissamut isumaqatigiissutit kiisalu illuliornermi malittarisassat pillugit Namminersorlutik Oqartussat nalunaarutaannut siunnersuut ataatsimiinnermi eqqartorneqarput. 
  4. Ukioq kingulleq inuiattut ullorsiornissaq Covid-19 pissutigalugu killilersuinermik sunnerneqarpoq. Ukiormanna nalinginnaasumik ingerlanneqassaaq. Kommuneqarfiup allaffiani peqatigiiffiit aallartereerpata Nuutoqqami puisimik pisaqaqqaanniuttoqassaaq, oqaluffimmiillu illoqarfikkoortoqarluni Jens Kreutzmannip aqqutaata tungaanut ingerlaaqatigiittoqassalluni. Ullormi tassani nuannattoqassaaq, igaasartoqassalluni scenemilu nipilersortoqassalluni. Pingaartumik kalaallit immikkut ilisarnaataasa nukittorsarneqarnissaat pingaartinneqarpoq. Ilaqutariit kalaallit assuutaannik atorlutik assilitinnissaminnut periarfissaqarput kaammattorpagullu paggatsitsersuaarnissamut peqataaqqullugit. Meeqqanut inuusuttunullu NUIF-imi sammisassaqartitsisoqassaaq.
  5. Kapisilinni ammerivik maajip aallartinnerani ammaneqarsimavoq. Sulisut marluk atorfinitsinneqarput. Ukioq mannalu sulisup aappaa Nunaqarfinni aqutsisunit aningaasaliissutit atorlugit atorfinitsinneqarsimavoq. Ammerivimmi naliginnaasumik puisip amiinik tigooraasussaapput, aammalu pilersaarutaavoq savat, tuttut teriannissallu amii meqquilu siunissami tigoorarneqarsinnaanerat misissorneqarumaarmat. Juunip 9-aanni ammaanersiorneq Kapisilinni innuttaasut peqatigalugit ingerlanneqassaaq, tamannalu peqataaffigiumaarpara.
     
  6. Naggataagut ilimasaarutigineqarpoq ataqqinartorsuup Dronning Magrethe Kommuneqarfitsinni Tasiilaq juulip naalernerani aammalu Nuuk aggustip aallartinnera tikeraarsinnaammat. Taassuma tungaanut susassaqartut peqatigalugit Kommuneqarfik Sermersooq pilersaarusiorneqataanissamut piareersimavoq.

2b.

Juaaka Lyberth (IAI), Meeqqanut Atuaqferqarnermullu Ataatsimiititami siulittaasoq:

Atuarfiit naggataamik atuartitsereerput Siorna ullup atuarfiusup kingulliup nalliuttorsiutigineqarnera coronamik ajornartoorneq pissutigalugu allaanerusimavoq. Klassit ullaakkut biilerlutik ilinniartitsisunik aalleqattaarsinnaasimannginnerinik klassinullu nukarlernut mamakujunnik agguaassisimannginnerinik il.il. tamanna isumaqarpoq. Tamanna paasinarluinnartumik klassinit taakkunannga maqaasineqarsimavoq. Taamaattumik atuarfiiit ukioq manna ullup atuarfiup kingulliup nalinginnaasumik nalliuttorsiutigineqarsinnaasimanera nuannaarutigaat. Inaarutaasumik misilitsinnerit atuarfinni ingerlanneqaleruttorput.

Inge Olsvig Brandt (IA), Suliffeqarnermut Isumaginninnermullu Ataatsimiititami siulittaasoq:

Nalunaarutissaqanngilaq

Avaaraq Olsen (IA), Meeqqanut Ilaqutariinnullu Ataatsimiititami siulittaasoq: 

Nalunaarutissaqanngilaq

Justus Hansen (D), Sanarfinermut Avatangiisinullu Ataatsimiititami siulittaasoq: 

Nalunaarutissaqanngilaq