Nalunaarutit

  1. Najukkami Ataatsimiititaliap malittarisassai malillugit maajip ulluisa 26-anni 2021-mi Kommuneqarfik Sermersuumi Najukkami ataatsimiititalianut tamanut qinersisoqarnissaa borgmesterip akueraa.
    Najukkami Ataatsimiititaliamut qinersinissamik nalunaarutiginninneq pissaaq maajip ulluisa aqqaneq aappaanni 2021-mi (qinersinissamut sapaatip akunneri marluk sioqqullugit). 
    Najukkami Ataatsimiititaliamut qinersinissamut qinigassanngortittunik nalunaaruteqarnissaq piffissami maajip ulluisa aqqaneq aappaaniit 18-iata tungaanut 2021-mi pissaaq.
     
  2. Inuussutissarsiornermut Siunnersuisooqatigiit aamma Sermersooq Business inuussutissarsiornermut takornariaqarnermullu periusissiamut immersueqataatitsiniarlutik Nuummi, Paamiuni Tasiilamilu inuussutissarsiornermut isumasioqatigissitsipput. Borgmesteri isumasioqatigiinnerni tamani ilaannakoortumik peqataavoq. Workshoppinut nalinginnaasumik pitsaasumik naliliisoqarpoq periarfissallu pitsaasut amerlasuut sulissutigineqaqqittussat suussusersineqarlutik. Qinersisoqareerpat kommunalbestyrelse nutaaq peqatigalugu workshoppertoqassaaq inuussutissarsiornermi suliniutit tunngavigalugit anguniakkat aalajangersarneqarnissaat siunertaralugu
     
  3. Marsip ulluisa 22-ianni Kulturi pillugu siunnersuisooqatigiit Aningaasaateqarfik Sermermut qinnuteqaatinik suliaqarpoq. Katillugit qinnuteqaatit 54-it 5,5 mio kr.-inik nalilit suliarineqarput. Taakkunannga qinnuteqaatit 22-it, Kulturi pillugu siunnersuisooqartigiinnit akuersissutigineqarput. Taamaasilluni suliniutissanut katillugit aningaasaliissutigineqarput: 1.517.500 kr.-it.