Nalunaarutit

2a. Siulittaasumit nalunaarutit

2b. Ingerlatsivimmit nalunaarutit

2a. Ataatsimiititaliap avannaanut paasisasarsiorlutik ingerlalluarpoq

 

2b.

– Nuummi inuusuttut pinerluuteqartut piffissami kingullermi annertusimmata, ingerlatsivimminngaanniit eqqumaffigineqarpoq immikkullu iliuuseqassamaarput

– Ingerlatsiviup Aningaasaqarnermut Inuussutissarsiutinullu Ataatsimiititamut Tasiilami meeqqanut inuusuttunullu immikkut pisariaqartitsisunut neqeroorummik ataqatigiissakkamik ilassutitut aningaasaliissutinik pilersitsinissaq inassuteqaatigaa.

Tasiilami meeqqat inuusuttullu arlaqarput angerlarsimaffimminni toqqissisimanartumik, isumassorneqarnermik malittarisassaqarnermillu misigitinneqanngitsut. Taamatut ajornartorsiuteqarnermi atuarfimmi aalajaatsuunnginnermik, aanngajaarniutinik soorlu hashimik imigassamillu pinngitsuuisinnaajunnaarnermik kiisalu pinerluuteqarniarnernik kinguneqakkajuttarpoq. Inuusuttut tamakku akornanni arlaqarput aalajangiinnartartut imminnullu toqullutik.

Taamatut pisarneq Meeqqanut Ilaqutariinnullu Ingerlatsivimmit allanngortissinnaallugu neriuuteqarfigineqarpat, inuusuttut pisariaqartitsisut ikiorumallugit Tasiilami inuusuttunik siunnersuisarnermik neqeroorutip pioreersup siuarsarneqarnissaa pisariaqarpoq. Ullumikkut Tasiilami inuusuttunut pitsaaliuinermik neqeroorutit killeqarput, suliallu pioreersut arlallit ima inerneqartarput angerlarsimaffiup avataanut angerlarsimaffimmiit ungasissumut inissiisarnermik.

Inuusuttunik sullissivimmiissapput assersuutigalugu najugaqarnissamut aamma katsorsartinnissamut neqeroorutit makkuninnga atorneqarsinnaasut:

  • Inuusuttut suliniuteqareernermi malinnaavigineqartut, tak. Meeqqat tapersersorneqarnissaannut inatsit. Suliniuteqareernermi malinnaaneq inuusuttunut 18-iniit 23-nut ukiulinnoorpoq, taakkuuppullu inersimasutut inuunermi tapersersorneqanngikkunik suli imminnut paarisinnaanngitsut. Inuusuttullu pineqartut tassaakkajuttarput ulloq unnuarlu angerlarsimaffimmi inissinneqarnikut, aamma najukkaminnut uterusuttut. Aamma inuusuttut pineqartut tassaasinnaapput angajoqqaarsianut inissinneqarsimasut, taakkulu 18-inik ukioqalereernerup kingorna nammineerniartussat.
  • Inuusuttut angerlarsimaffimminni atukkatik peqqutaallutik najugaqarnissamut katsorsartinnissamullu neqeroorummik pisariaqartitsisut
  • Inuusuttut 15-it 18-illu akornanni ukioqartut inuuniarnermikkut imaluunniit tarnikkut ajornartorsiuteqangaatsiartut, amerlasuutigullu Nunatta Kitaani ulloq unnuarlu angerlarsimaffinnut inissinneqartartut.
  • Najugaqarnissamut neqerooruteqarnerup saniatigut sullissivik 12-it 18-illu akornanni ukiulinnut perorsaanikkut ulluunerani neqerooruteqassaaq, soorlu inuusuttunik maanna siunnersuisarnermi tamanna ilaatinneqartoq.