Nalunaarutit

2a. Siulittaasumit nalunaarutit

2b. Ingerlatsivimmit nalunaarutit

2a. soqanngilaq

2b. Angerlarsimaffiup avataanut inissiisarnerit pillugit ingerlatsivimmi suleriaaseq allanngortinneqarmalli, ulloq unnuarlu angerlarsimaffinnik piginnittut namminersortut aammalu Nunatsinni Sulisitsisut akornanni aalassannersuaqarpoq. Ingerlatsiviup advokatfirmaet Malling & co. suleqatigilernikuuai.

Ulloq unnuarlu angerlarsimaffik Sikkerneq isumaqatigiissuteqarfigineqarsimagunarpoq, taamaatitsinissaq ukiup affarigaa – tamannalu uatsinnut ajornartorsiortitsingaatsiarpoq.  Sikkerneq tassaavoq angerlarsimaffik ulloq unnuarlu angerlarsimaffinnut allanut sanilliullugu qaammammut meeqqamut ataatsimut 40.000 koruuninik akisunerusoq. Maannakkorpiaq ulloq unnuarlu angerlarsimaffimmi tassani meeqqat arfineq-marluk inissinneqarnikuupput, imaappoq qaammammut 280.000 koruuninik aningaasartuuteqarnerusarpugut, ukiumullu 3.6 mio. koruuninik.

Taamaattumik ukioq manna ulloq unnuarlu inissiisarfinnut atuinerungaatsiarnissarput ilimagineqarsinnaavoq.