Nalunaarutit

Siulittaasumit nalunaarutit

2a. Siulittaasup nalunaaruteqarluni ilisimatitsinera:

Martha Abelsen (S) meeqqanut immikkut pisariaqartitsisunut tunngatillugu kommunip ulloq unnuarlu angerlarsimaffiutaanut angajoqqaarsianullu immikkoortortaqarfianut tusagassiutitigut isornartorsiuivoq.

2b. Ingerlatsivimmit ilisimatitsissutit:

  1. Ilaqutariit pillugit nutaamik politikkiliortoqarnissaanik Kommunalbestyrelsip kissaateqarneranut tunngatillugu ingerlatsivik aallartereerpoq, missingiut siulleq eqqartugassatut ilanngullugu nassiunneqarpoq, allaffissornikkut toqqammavimmut tunngasumik amigaateqarpoq.
  2. Isumaginninnikkut suliatigut misissuinerit amigaatigineqartut suliaralugit ingerlatsivik qitiutitsilluni nangittumik suliaqarpoq. Ingerlatsivimmi uungarpartigereerpugut, allaat misissuinermi suliat ingerlatsut ataani allattorsimaffimmiittut isumaginninnermik siunnersortimut ataatsimut ingerlateqqinneqareersimalerput. Taassuma saniatigut malugissallugu pingaaruteqarpoq, ingerlatsivik, isumaginninikkut suliatigut misissuinerit naammassereersut 16-it saniatigut, isumaginninnikkut misissuinernik 68-inik naammassisaqareermat, taakkulu suliamut attuumassuteqartunut tusarniaassutiginissaat nutserneqarnissaallu kisimik amigaataapput. Taakkua saniatigut isumaginninnikkut misissuinerit 40-t pitsaassutsimik qulakkeerneqanissaat utaqqineqarput. Kisitsisit taakkua aallaavigalugit erseqqippoq, isumaginninnikkut suliatigut misissuinerit sukkanerusumik suliarineqarmata nutserisut allaat angummassinnaajunnaarlutik. Taamaattumik akunnattoortoqarpoq.
  3. Tasiilamiitkissaatit naapertorlugit, Armarngivat pillugu siunertap allanngortinneqarnissaa ingerlatsivimmi suliaralugu aallartinneqarpoq – ilaqutariinnut naalungiarsuutilinnut siusissukkut suliniuteqarfittut ingerlanernissaa pillugu