Nalunaarutit

2a. Siulittaasumit nalunaarutit

2b. Ingerlatsivimmit nalunaarutit

2a. Kommuneqarfik Sermersuumi Meeqqanut Ilaqutariinnullu Ataatsimiititaq Nuummi innuttaasunik ataatsimiititsissaaq, marlunngorneq 12. Maaji 2020
Meeqqanut Ilaqutariinnullu Ataatsimiititaq sisamanik qulequtaqarpoq suliarineqartussanik:
– Oqartussaqarfinnik allanik assigiinngitsunik suliaqartartunik suleqateqarneq
– Tasiilami meeqqanut inuusuttunullu tunngasut
– Ilaqutariinnut meeqqanullu atugarliortunut suliniutit

2b. Oqartussaaffeqarfimmut fagchefip ilisimatitsissutigaa, coronap ajornartoortitsinerata nalaani ingerlatsivik ilungersunartorsiorsimasoq. Ingerlatsivik ajutoornermi sillimmatit najoqqutaralugit sulisut ikilillugit ingerlasimavoq, taamaasillutik meeqqat tuaviortumik ikiorneqarnissaminnik pisariaqartitsisut pillugit saaffiginnissutit tamarmik naammassineqarniassammata. Siusissukkut imatut aaqqissuussissoqarpoq, sulisut tamarmik allaffimmi sulisinnaasut imaluunniit angerlarsimaffimminni. Sulisut ingerlatsiviup ajornartoornermi sillimmatai pitsaasumik siunnerfilimmillu tiguaat, kisianni ajornartoornerup nalaani naammassisakinnerusoqarpoq.

Fagchefip ilanngullugu ilisimatitsissutigaa, Oqartussaaffeqarfik nutaamik aaqqissuuteqqinneqarsimasoq. Suliassaqarfimmi immikkoortortat marluk allannguuteqanngillat, Innersuussisartoqatigiit aamma Ilaqutariinnut Immikkoortortaqarfik, suleqatigiikkuutaat maannamut atuuttut allannguuteqanngillat, kisialli suleqatigiikkuutaat nuutiternikuupput. Innersuussisartoqatigiit sulianik meeqqat angerlarsimaffimminni najugallit aammalu meeqqat innarluutillit pillugit nalunaaruteqarnerit isumagisarpaat. Ilaqutariinnut immikkoortortaqarfiup isumaginninnikkut suliatigut misissuinerit suliarisarpaat, aammalu meeqqat angerlarsimaffiup avataanut inissinneqarsimasut sulianillu malitseqartitsinerit isumagisarlugit.

Naggataatigut fagchefip ilisimatitsissutigaa, atorfimmik allanngortitsisoqarsimasoq, taamaasilluni siunnersortitut atorfimmik pinngortitsisoqarsimalluni, taassumalu ilaqutariinnik aqqutissiuisitsisarneq familierådslagning ineriartortissavaa ataqatigiissaarlugulu. Maanna isumaginninnermi sullissisutut atorfiit arlallit inuttalerneqaqqammerput, taamaasillutik atorfiit inuttaqanngitsut tamarmik siullerpaamik inuttalerneqarlutik. Ilaqutariinnut immikkoortortaqarfimmi aqutsisutut atorfik maannakkorpiaq inuttassarsiorneqarpoq.