Missingersuutit 2021 – Aappassaaneerneqarnerat

Inassuteqaammi siulleq akuersissutigineqarpoq. Siumut siullermut itigartitsivoq, ikinnerussuteqartutut ima oqaaseqaatitalerlugu:

Siumumiit piumasaraarput missingersuutit 2021 pillugit isumaqatiginninniarnermi allannguutit aningaasartuuteqarneq imaluunniit sipaarniarneq takussutissalimmik missingersuutit tamarmiusup inernerannut (allaganngorlugit) sunniutaat kommunalbestyrelsemi ilaasortat tamarmik toqqaannartumik takusinnaassagaat. Taamaattumik Siumumiit kissaatigaarput budgetseminariaqarnissaq, tassani politikkikkut kissaatit missingersuutinut sunniutaat kisitsisinngorlugit takussutissallit isumaqatigiissutiginiarneqarnissaat kommunalbestyrelsimit tamarmiusumik peqataaffigineqarnissaat piumasaraarput aammalu partiit tamarmik kissaataat aningaasartaasa takussutissaqarnissaat pisariaqartipparput, missingersuutip tamarmiusup inerneranut kingunissaat kommunalbestyrelsip akisussaaffigimmagu. Tassami kommunalbestyrelsip tamarmiusup missingersuutit akuerineqarnissaat pisortatigoortumik akisussaaffigimmassuk.

Aappaattullu kissaatigissavarput missingersuutit 2021 pillugu politikkikkut kissaatit allannguutillu missingersuutit 2021 inernerannut sunniutaat takussutissalimmik AIA-mut suliamik saqqummiussineq inassuteqaatit saqqummiunneqareerpata aatsaat isumaqatigiissut atsiorneqarnissaa.

Missingersuutit aappassaaneerneqarnerat pisortatigoortumik AIA-mi akuerineqarpat atsioqatigiinnermik naggaserneqarnissaa pissusissamisoortutut isiggatsigu.

Qulaani isumaqatigiinniarnermut piumasaqaatigut tunngavigalugit missingersuutinut politikkikkut kissaatit aningaasartaanut tunngassutillit kommunalbestyrelsemut ilaasortanut tamarmiusunut nassuiaatitaqanngitsumik 30.min mississuinissamut periarfissiineq akuerinngilarput aamma allannguutit allaganngorlugu takussutissiineq ersernerlummat akuerinngilarput.

Politikkikkut missingersuutit pillugit isumaqatigiinniarnermi ingerlariaaseq akuerinnginnatsigut suleriaatsip ersernerluttumik kommunalbestyrelsimilu ilaasortat sukumiinerusumik apeqquteqarnissaannut periarfissinneqanngimmata atsioqataassanngilagut, kisianni politikkikkut anguniakkat isumaqataaffigut suleqataaffigissavagut.

Inassuteqaammi tulleq: tamanit akuersissutigineqarpoq.

Siumut: sanaartornermut missingersuutit a3 minillugu akuersissutigineqarput

Inassuteqaammi pingajuat: tamanit akuersissutigineqarpoq.

Siumut: sanaartornermut missingersuutit a3 minillugu akuersissutigineqarput

Inassuteqaammi sisamaat: tamanit akuersissutigineqarpoq.

Inassuteqaammi tallimaat: tamanit akuersissutigineqarpoq, imatut oqaaseqaatitalerlugu: aalisartunut illuaqqat+sannaviillu qaffaaffigineqassanngillat. 

Inassuteqaammi arferngat: tamanit akuersissutigineqarpoq.

Inassuteqaammi arfineq aappaat: tamanit akuersissutigineqarpoq.

Inassuteqaammi arfineq pingajuat: tamanit akuersissutigineqarpoq.

Inassuteqaammi qulingiluaat: tamanit akuersissutigineqarpoq.

Inassuteqaammi qulingat: tamanit akuersissutigineqarpoq.

Inassuteqaammi aqqarngat:  P5-imiit P10-mut IA-kkut Demokraatillu itigartinneqarput, sinnerili akuersissutigalugit.

Siumut: tamaasa akuersissutigaat

Inassuteqaammi aqqaneq aappaat: tamanit akuersissutigineqarpoq.