Josef Lund Josefsen & Nick Poulsen Pop-mik tusarnaartitsinissaannik neqeroorut 2020

Aalajangiiffigisassaq

J.nr.: 01.10-A00-9-20

Suliffeqarfimmi Kiffartuussineq – Kommunaldirektøri Lars Møller-Sørensen / LMS

Suliassamik saqqummiussineq

Josef Lund Josefsen-mik ateqarpunga, nutaamik misiliilunga erinarsoriaatimik tassa Pop-mik Nick Poulsen peqatigalugu 2020-mi aallarnerfigalugu upernaakkut maj aallartinnerani tusarnaartitsinissarput aallartissavarput. Nutaamik misiliinera tunngaveqarpoq ukioq manna maj-i ingerlanerani erinarsornermik pikkorissaallunga pop-mik erinarsoriaatimik Nick Poulsen peqatigalugu misiliigama, tamannalu assut nuannaraara erinarsornerup allatut nipiga atorsinnaanera misilittagaqarfigilerakku. Nipilersortariaaserput aammalu erinarsortariaaserpullu assut tulluummat pikkunarlunilu aaliangerpugut aappaagu tusarnaartitseqatigiinniarluta. Nick Poulsen 20-nik ukioqarpoq Iluliarmioq. Meeraallunili nipilersorneq erinarsorneq ingerlatarivai, allaammi DK-mi efterskolernermini nipilersortariaatsit assigiinngitsut atorlugit guitarimik ataasiakkaarinermik unammeqattaarnermi Danmark tamakkerlungu ajugaasuunikuulluni. Inuusuttuaraanermini erinarsoqatigiinni ilaasalersimavoq, ukiullu ingerlaneranni avannaata erinarsoqatigiissuit naapinneranni avannaata qatituup tulleersuatut toqqagaanikuulluni. Nipinilu assut pinnguarilluarsinnaallugu tusarningaartumik immikkuullarissumik nipeqarpoq tusaajuminartoq, erinarsorneq nipilersornerlu naak inuusukkaluaqaluni piginnaaneqarfigai assullu ingerlatiinnaruniuk siunissagissaartorujussuulluni. 6. april 2020-mi qaammat ilivitsoq sungiusaqatigiissaagut tusarnaartitsinissatinnut, tassani erinarsuutit pop-it kalaallisuut kalaallit ilisimalluagaat nuannarineqartut aammalu tuluttuunik ilallattaallugit tusarnaartitsineq ingerlatissallutigu. Nick tusarnaartitsinermi guitarertuussaaq erinarsoqatigiittassallutalu tulleeriilluta. Angalaqatitsinnik nammineq tusarnaartitsinermi nipigissaasoqassaagut teknikikkullu isumaginnittussamik. Tusarnaartitsivissaq nammineq pisisup isumagissavaa, ajorinavianngilarpullu alutornarsinnaavoq oqaluffimmiissagaluarpat aamma. Tusarnaartitsineq 1 time 15 min. missaanik sivisussuseqassaaq. Akigititarlu 28.000 Kr.-nik naleqarpoq erinarsortut marluk, nipilersuutillu attartorneranut akiliutissaq. Ilissinnullu neqeroorutigaarput akeqartillugu 18.000 DKK. Sinerissami pisisut aallaavigalugit tusarnaartitsinissap ullua kingusinnerusukkut nalunaarutigineqarumaarpoq, kisianni tassa 6. maj 2020 aallarnerfigalugu tusarnaartitsinerit aallartissapput. Ajornanngippat piaartumik tusarnaartisinermik piserusunnerlusi akissuteqarnissarsi neriuutigaarput, kingusinnerpaamik 17. januar 2020 akisimanissarsi neriuutigaarput. Arlaannillu apeqqutissaqarussi tutsaqrtriaannaavusi uunga 291449 imal. allallusi

Qinikkat allatseqarfianiit oqaaseqaatit

Soqanngilaq. 

Inassuteqaat/Inassuteqaatit

Nunaqarfinni aqutsisut inassuteqaatigaat:

  • Aalajangiiffigisassaq akuersissutigineqassasoq/akuersissutigineqassanngitsoq

Ilanngussaq/Ilanngussat

Josef Lund Josefsen neqeroorutaa.

Aalajangiineq – imaqarniliami ilanngunneqassaaq

Innassuteqaat akuerineqarpoq.