Aalajangiiffigisassaq
Jnr: 01.10-A00-12-20
Suliffeqarfimmi Kiffartuussineq – Vicekommunaldirektøri Marie Fleischer (MAFL)
Suliassamik saqqummiussineq
Kommuneqarfik Sermersuumi kommunalbestyrelsip nunaqarfinnilu aqutsisut akornanni politikkikkut suleqatigiinnissamut isumaqatigiissummi § 15 imm. 1 naapertorlugu ima allaqqasoqarpoq: ”Nunaqarfimmi aqutsisut aningaasaliissut ukiup naatsorsuuteqarfiup naanerani atorsimanngippagit, sinneruttoq (annerpaamik aningaasaliissutip tamarmi 50 %-a) ukioq tullermut naatsorsuuteqarfiusussamut nuunneqarsinnaavoq." kiisalu § 15 imm. 2 ima allaqqasoqarluni ”Nunaqarfimmi aqutsisut Aningaasaqarnermut Ataatsimiititaq tamassuminnga qinnuteqaateqarfigissavaat. Qinnuteqaat Borgmesterip Allatseqarfianut nassiunneqassaaq. Qinnuteqaatip Aningaasaqarnermut Ataatsimiititamut suliassanngorlugu nassiunneqarnissaa Borgmesterip Allatseqarfiata isumagissavaa”.
Aaqqiissutissatut siunnersuut – suliatigut naliliineq
Nunaqarfinnut aningaasaliissutit 964.000 koruuniusut ukioq 2019-mi Kuummiini aammalu Sermiligaami Nunaqarfinnii aqutsisunut tunniunneqarput. Kuummiini aammalu Sermiligaami Nunaqarfinnii aqutsisut aningaasaliissutit tamarmiusut affai atunngitsuukkatut 482.000 koruuniusut nuunneqarnissaat qinnutigaat.
Qinikkat allatseqarfianiit oqaaseqaatit
Aningaasat qinnuteqaatigineqartussat siunertanut agguataarneqarnissaat ataatsimiinnermi sammineqassasoq. Taamatuttaaq ukioq mannamut immikkoortinneqarsimasunut ataqatigiissarnissaat eqqarsaatigineqassasoq.
Inassuteqaat/Inassuteqaatit
Qinikkanut allatseqarfiup inassuteqaatigaa:
- Nunaqarfinnut aningaasaliissutit 2019 atunngitsuukkat ukioq mannamut nunneqarnissaannut Aningaasaqarnermut Inuussutissarsiornermullu Ataatsimiititamut qinnutigineqassasut.
Ilanngussaq/Ilanngussat
Soqanngilaq.