2019-imi nunaqarfinnut aningaasaliissutaasunit atorneqanngitsut

Aalajangiiffigisassaq

Jnr: 01.10.21/01.10.23

Suliffeqarfimmi Kiffartuussineq – Vicekommunaldirektøri Marie Fleischer (MAFL)

Suliassamik saqqummiussineq

Kommuneqarfik Sermersuumi kommunalbestyrelsip nunaqarfinnilu aqutsisut akornanni politikkikkut suleqatigiinnissamut isumaqatigiissummi § 15 imm. 1 naapertorlugu ima allaqqasoqarpoq: ”Nunaqarfimmi aqutsisut aningaasaliissut ukiup naatsorsuuteqarfiup naanerani atorsimanngippagit, sinneruttoq (annerpaamik aningaasaliissutip tamarmi 50 %-a) ukioq tullermut naatsorsuuteqarfiusussamut nuunneqarsinnaavoq." kiisalu § 15 imm. 2 ima allaqqasoqarluni ”Nunaqarfimmi aqutsisut Aningaasaqarnermut Ataatsimiititaq tamassuminnga qinnuteqaateqarfigissavaat. Qinnuteqaat Borgmesterip Allatseqarfianut nassiunneqassaaq. Qinnuteqaatip Aningaasaqarnermut Ataatsimiititamut suliassanngorlugu nassiunneqarnissaa Borgmesterip Allatseqarfiata isumagissavaa”.

Aaqqiissutissatut siunnersuut – suliatigut naliliineq

Nunaqarfinnut aningaasaliissutit 245.000 koruuniusut ukioq 2019-mi Arsummi Nunaqarfimmi aqutsisunut tunniunneqarput. Arsummi Nunaqarfimmi aqutsisut aningaasaliissutit tamarmiusut affai atunngitsuukkatut 122.500 koruuniusut nuunneqarnissaat qinnuteqaatigissavaat.

Aalajangiineq:

Kr. 61.000 kr. Illuaqqanut unnuisarfinnullu iluarsartuunnissaanut atorniarpaat. Unnuisarfiit illuaqqat perusuersartarfilernissaat aammalu qalipannissaanut atorniarlugit.

Kr. 61.500 kr. Nunaqarfiup Multibaniata iluarsartuunnissaanut cementilerlugulu suliarineqarniassammat.