Nakkarsaaneq sunaava? 

Nakkarsaaaneq tassaavoq inuit allat inunnik ataatsimoorfimmi ilaqarusunnginnerat.

Nakkarsaaneq aamma assersuutigalugu taanna malersorneqartarpoq, unatarneqartarpoq, qitsuarneqartarpoq, isimmissarneqartarpoq allatulluunniit sakkortuumik pineqartarpoq.

Nakkarsaanerit aamma kanngusaaraluni suaartarnerusinnaapput, ingutsineq, aterusersuineq mitalliinerluunniit.

Nakkarsaaneq “toqqoqqaneqarsinnaavoq” imaluunniit allanut toqqaannartuusinnaavoq.

Imaassinnaavoq taanna nakkarsarneqartoq apeqqutiminik akineqanngitsoortoq arlaannilluunniit aperineqanngisaannartoq. Allat suniaraangata qaaqqusaanngisaannarneq imaluunniit nakkarsarneqartoq qaaqqusippat aggertoqanngisaannartoq.

Nakkarsarneqarnermit napparsimaneq 

Nakkarsarneqarneq aliatsannartarpoq kiserliornartarlunilu.

Nakkarsaanerli allanut nakkarsarneqanngitsunut aamma ajornartorsiutaasarpoq.

Meeqqat nakkarsarneqartut niaqorloqqajaasarput, naarloqqajaallutik, silaminnik aalasoorlutik, sinissinnaanatik qiimassuseqaratillu. Atuartuinnaanngitsut nakkarsarneqartarput.

Atuartut avataaniititaanissartik, malersorneqarnissartik qinngasaarneqarnissartillu annilaangagiuaannaramikku nappaatit tamakku takussutissaqalersarput.

Tassa nakkarsarneqarneq aamma nakkaarsarneqarnissamut annilaanganeq napparsimalersitsisarput.

Inersimasut ersisut aamma napparsimalersarput.

Oqarasuaatikkut angallattakkakkut nakkarsaaneq 

Ulloq atuarfiusoq qaangiukkaangat nakkarsaaneq uninneq ajorpoq.

Ullumikkut oqarasuaatikkut angallattakkakkut aamma internetikkut naapittarfinni, soorlu Snapchat-imi, nakkarsaanerit nangeqqinneqarput.

Naak tigusisup nassitsisoq kinaanersoq takusinnaagaluaraa nakkarsaasut illua´tunganiittut sakkortuumit sakkortunerujussuupput.

Sms-ikkut nakkarsarneqarneq atuarfiup silataani arlaannit suaartarneqarnertut annernartigaaq.