Kommuneqarfik Sermersuumi Innuttaasunik Sullissivinni tamani allakkatigut qinersisoqarsinnaavoq.

Allakkatigut qinersinissami tunngaviit pingaarnerit pingasuupput:

  • Siusinaarlutit qinerserusupputit (ass. ullormi qinersiviusumi sulinngiffeqaravit)

  • 19/5 kingornagut Kommuneqarfik Sermersuumut nuussimagavit, taamaattumillu kommunimit nuuffigisanniit allakkatigut qinersinerit nassiuttariaqarakku.
  • Kommuneqarfik Sermersuup avataaniikkavit, maanili najugaqarlutit. (Taamaattoqartillugu kommunimi tikisimaffigisanni innuttaasunik sullissivik attavigissavat, tamanulli tunngatillugu malittarisassat malitassallu assigiit atuupput)

Allakkatigut taasinermi malittarisassat imaapput:

  • Innuttaasunik Sullissivinnut aggerlutit allakkatigut qinersiartussaatit.
  • Kalaallit Nunaanni najugaqaruit Kalaallit Nunaanni folketingimut qinigassanngortittunik qinersisinnaavutit.
  • Uppernarsaat assitalik nassassavat (Biilernermut allagartaq, pas, assigisaalu)

  • Allakkatigut qinersinerit sumiiffimmut allamut nassiunneqassappat, taasinerpit allakkerisarfikkut nassiunnerani apuuffissaminut apuunnissaa eqqarsaatigalugu illit nammineq sapinngisamik piaartumik qinersiartornissat isumagissavat.
  • Allakkatigut qinersisimaguit ullormi qinersiviusumi qinersiartortarfinnut qinersiartorsinnaanngilatit.

Allanik apeqqutissaqaruit najukkanni innuttaasunik sullissiviit saaffiginissaannut tikilluaqqusaavutit.