Kommuneqarfik Sermersuumi inuussutissarsiornermut tunngasut

Tunumi Inuussutissarsiornermut Siunnersuisooqatigiit Folketingip Grønlandsudvalg-ia ataatsimeeqatigaat

Grønlandsudvalg-ip Tasiilamut tikeraanerani Tunumi Inuussutissarsiornermut Siunnersuisooqatigiit akunneq sinnilaarlugu naapisimaarput, politikkerit folketingimut ilaasortat Kalaallit Nunaata kangiani periarfissaq unammillernartullu paasisaqarluarfigaat.

Folketingip Grønlandsudvalg-iata aasaq manna Kalaallit Nunaannut tikeraarnerminni Tasiilaq aamma Nuuk tikissallugit aalajangiussimavaat.

Tasiilamiinnerinilu akunneq ataaseq Tunumi Inuussutissarsiornermut Siunnersooqatigiit naapisimaarlugit oqaloqatiginissaannut periarfissaqarsimavoq.

”Maani unammillernarsinnasut aammalu periarfissaasinnaasut eqqartorpavut, soorlu imaatigut inuussutissarsiutit aammalu takornariaqarneq pillugu eqqartuivugut. Oqariartuutitsinnullu tusarnaarluarput”, Tunumi Inuussutissarsiornermut Siunnersusooqatigiinni siulittaasut Thomas Kristensen oqarpoq.

Kissaatigineqartuni pingaarnerpaanut ilaasoq tassaavoq Tasiilami mittarfittaarnissaq.