Services

Angallatit Nuummi inuttassarsiorneqarput: Angallatit kaseerneqalernersoq takuuk

Qinngutsinni Isuliffimmi angallatit arlaqartut inuttassarsiuunneqarput. Piffissaq killissarititaasoq qaangiutinnginnerani piginnittut saaffiginninngippata, angallatit peerneqarsinnaapput akitsorterunneqarlutillu imaluunniit kaseerneqarlutik.

Umiatsiat saqqummiunneqartut aammalu piffissaq killiliussaq uani tamarmik takukkit: https://asiaq.maps.arcgis.com/apps/dashboards/98828951fe3f46abb348cb69b2f776b5

Umiatsiat saqqummiunneqartut arlaat illit pigigukku, taava Nakkutilliinermi oqartussanut saaffiginnissuteqassaatit uppernarsarlugulu ilumut illit piginnittuullutit uungalu saaffiginnissaatit; Sanarfinermut Avatangiisinullu immikkoortortaqarfik oqarasuaat; +299 36 70 00 – mobiili +299 55 62 83 imaluunniit mail-ikkut: vilh@sermersooq.gl

Piffisaliunneqartup qaangiunnerata kingorna angallatit atoqqinneqarsinnaannerat imaluunniit sequtserneqassanersut naliliiffigineqassaaq.

Angallatit Inatsisartut inatsisaat nr. 9, 22. November 2011 Avatangiisit illersorneqarnissat pillugu inatsit § 36, imm. 1; Kommunalbestyrelsip eqqakkanik igitsisarnissaq isumagisaraa, atortussiallu imaluunniit tigussaasup suulluunniit eqqagassatut naliliiffigineqartarnissaa aalajangiiffigissallugu. Biilinik, umiatsiaanik, umiarsuarnik, qamuteralannik aamma tigussaasunik sunilluunniit angisuunik assigisaanillu peersinissaq aatsaat pisinnaavoq, taakkua sivikinnerpaamik qaammatini pingasuni inuttassarsiuunneqareeraangata.

Inatsimmi tassani pineqartumik immikkoortoq 2-mi allaqqarsoqarpoq; Kommunalbestyrelsiimm. 1-imi aalajangiineq taaneqartoq aalajangiiffigineqareerpat eqqakkatut isigineqartunik passussinermi igitsinermilu aningaasartuutit matussutissaqartinniarlugit tamakku tuniniarsinnaavai akitsorterussilluniluunniit.