Akuersissutit Services

Nunaminertamik atuinissamut akuersissutinik suliaqarneq ajornartoortinneqartoq

Namminersorlutik Oqartussat qitiusumik allaffisuaqarfiani qarasaasiarsornerannut unioqqutitsilluni isertoqareersorlu systemit arlallit suli atorsinnaanngikkallarput. Systemit eqqorneqartunut ilaapput NunaGIS kiisalu it-mik ingerlatsinik atortut allat, taakku nunaminertamik atuinissamut qinnuteqaatinut aammalu sulianut atorneqartarput.

Internet atorlugu sulinermi sakkussat amerlanertigut innuttaasunit imaluunniit nunaminertanik atuinermik kommunimi suliaqartunit iserfigineqarsinnaanngillat. Taamaammat innuttaasut digitali atorlugu nunaminertamik atugassamik qinnuteqarsinnaanerat maannakkut periarfissaanngilaq, taamatuttaaq ippoq nunaminertanik atuinerit pillugit suliaqartartut qinnuteqaatigineqareersimasunik suliaqarsinnaannginnerinik.

Systemit ajoquteqartut qaqugu aaqqinneqarnissaat naatsorsoruminaatsinneqarpoq.

Nunaminertamik atuinissamut qinnuteqarniaruit taava qinnuteqarnermi immersugassaq anisitaq immersoriarlugu Sanarfinermut Avatangiisinullu Ingerlatsiviup mailianut sai@sermersooq.gl -imut nassiutissagit innersuunneqarpoq.

Nunaminertamik atuinissamut tunngasunik uani atuarnerusinnaavutit:

https://kp.sermersooq.gl/nunaminertamik-atugassiineq/

Aamma qinnuteqarnermi immersugassaq tassani nanisinnaavat. Pisortat serverii ajutooqqaneranni kommuni aaqqiissutaagallartussamik sulissuteqarpoq, nunaminertamik atuinissamut qinnuteqartoqaqqissiinnaanngornissaa aammalu nunaminertanik atuinermut tunngasunik suliaqarnermi digitalikkut ingerlanneqaqqilernissaa anguniarneqarluni.