Services

Ilungersuussilluartumik innersuussigit

Najukkanni ilungersuussilluartumik suliaminillu aallussiinnarnissamut aningaasartalimmik akissarsilaartussamik nersualaarneqartussamillu piukkussaqarpit?

Sunniuteqarsinnaanerit atorlugu inuk imaluunniit peqatigiiffik immikkut ittumik suliniuteqarsimasutut isigisat nersualaartariaqartorlu innersuuguk. Kommuneqarfik Sermersuumi innuttaasut kikkulluunniit innersuussinissamik periarfissaqarput.

Ukioq manna innuttaasumut imaluunniit peqatigiiffimmut kommunimi innuttaaqatiminut allanut immikkut kajumissuseqarluarluni ilungersuussilluartumut nersornaasiiniarpugut. Ilungersuussilluartutut nersornaaserneqarniartoq illoqarfimmi, nunaqarfimmi, kommunimiluunniit immikkut iliuuserisaa tamanut sunniuteqarsimassaaq.

Ilungersuussilluarsimanermik iliuuseqarneq inuussutissarsiornermut, kulturikkut imaluunniit inunnik sullissinermut tunngasinnaavoq.

Kingusinerpaamik novembarip 19-iani, nal. 12:00


Kajumissaammik nersornaaserneqartoq tamanut ammasumik aaqqissuussinermi saqqummiunneqassaaq kingusinnerusukkut.