Business Sanaartorneq, Avatangiiseq Attaveqaatillu

Tasiilaq: Aserorterissut/agguissut tuniniagaq

Kommuneqarfik Sermersuumit aserorterissut/agguissut tuniniarneqarpoq.  Aserorterissut Tasiilami tigooraavimmiippoq immikkoortumilu aqutsisoq Ulrich Gaffuri oq. 367721 attavigalugu takuneqarsinnaavoq sapaatip-akunnerani 29 (ulluni 19. – 23. juli 2021).

Maskine atorluarsinnaavoq, atornikuullunili misissoriarlugu pisiarineqarsinnaavoq.

Aserorterissut minnerpaamik akeqassaaq: 15.000,00 kr.

Maskiinamik piserusuttumut makku piumasaqaatit naammassineqarsimassapput:

  • Piginnittussaq aserorterissummut inaalitsivissaminik uppernarsaateqassaaq – haaliusinnaavoq nunaminertarluunniit, nunaminertamut akuersissummik peqassaaq.

Pisisumittaaq eqqumaffigineqassaaq maskiinap atornissaanut, avatangiisit illersornissaat pillugu inatsimmi kapitel 5 naapertorlugu akuersissut pigisariaqartoq.

Tunisineq ima ingerlanneqassaaq:

Pisinissamik soqutiginnittut qulaani tuniniakkamut uppernarsaammik akimillu taasinertik ilanngullugu, attavigineqarnissamut paasissutissallu nassiutissavaat uunga affald@sermersooq.gl kingusinnerpaamik 06.08.2021 nal 12.00.

Soqutiginnittut ataasiakkaat ataasiinnarmik nassiussisinnaapput.

Ulloq 06.08.2021 pisiumasut tamaasa misissorneqassapput annerpaamillu akiliiumasoq maskinamik pisisussanngussaaq.

Pisiumasoq taamaatitsippat, annerpaap tullianik akiliiumasoq pisisussanngussaaq.

Maskinap angallanneranut akiliutissat allallu aningaasartuutit assartuinermut tunngasut pisisumit isumagineqassapput.