Ataatsimut aningaasaateqarfimmit tapiissutit

Nunat avannarliit killiit illoqarfittut pingaarnersaasa aningaasaateqarfiat – NUUK, REYKJAVÍK AAMMA TÓRSHAVN.

Ataatsimut aningaasaateqarfik Nuuk, Reykjavík aamma Tórshavn maanna tapiiffigineqarnissamik qinnuteqarfigineqaqqippoq. Aningaasaateqarfimmi ilaasortat junip naalernerani ataatsimiisapput, tassanilu tapiissutinik agguaanissaq pillugu siulersuisuni ilaasortat aalajangiissallutik.

Nuummi, Reykjavíkkimi Tórshavnimilu kommunalbestyrelsit ukiumoortumik aningaasaateqarfimmut aningaasaliisarput, aningaasaliissutillu atorlugit kommunit pingasuusut akornanni innuttaasunut taavalu kultureqarnermut, ilinniartitaanermut timersornermullu tunngatillugu suliassat nukittorsarneqartussaallutik. Illoqarfinnit pingasunit qinnuteqarnermi peqataanikkut tapiiffigineqarnissamut periarfissaqarnerussaaq.

Inuit ataasiakkaat, peqatigiiffiit allallu tapiiffigineqarnissamik piumasaqaatinik malinnittut, qinnuteqarnissamut immersugassaq suliassamik allaaserinneriarluni nassiunneqarnissaa piumaneqarpoq. Qinnuteqarnissamut immersugassaq kommunip nittartagaatigut piniarneqarsinnaavoq sermersooq.gl-ikkut. Qinnuteqarnissamut immersugassap atornissaa sapinngisamillu peqqissaartumik immersornissaa pingaaruteqarpoq.

Paasissutissanik allanik pissarserusukkuit sullissisoq Berti Bourup, oqa. 367026-mut saaffigisinnaavat.

QINNUTEQAAT IMA NALUNAAQUTSIGAQ
Nunat avannarliit killiit illoqarfittut pingaarnersaasa aningaasaateqarfiat – Nuuk, Reykjavík aamma Tórshavn

KOMMUNEQARFIK SERMERSUUMUT
Kuussuaq 2
Postboks 1005-imut
nassiunneqassaaq imaluunniit e-mailikkut uunga kommuneqarfik@sermersooq.gl
kingusinnerpaamillu kommunimi tiguneqareersimassalluni tallimanngorneq 25. maj 2017.