Illersuisutut atuussinnaaneq

Kommuneqarfik Sermersooq Politiregion Sermersooq peqatigalugu Inunnik Illersuisutut atuussinnaanermik soqutiginnittunik pissarsiorput.

Inunnik Isumaginninnermi oqartussaasut assigisaasalu saaffiginninnerisigut politiit inunnik piukkunnartunik inunnut pinerluttaalisitsinermut inatsimmi § 157 imaluunniit § 161 naapertorlugu (katsorsarneqartussatut, tigummineqartussatut il.il.) pineqaatissinneqartussatut eqqartuunneqartunut illersuisussanik innersuussisarput. Tamatumalu kingorna eqqartuussivik illersuisussamik toqqaasarpoq.

Illersuisoq eqqartuunneqartup qanoq innera pillugu ilisimatinneqartassaaq kiisalu taassuma napparsimavimmi il.il. uninngatinneqarnera pisariaqartumit sivisunerunnginnissaanik isumaginnissalluni, eqqartuunneqartumut siunnersuillunilu ilitsersuisassalluni aammalu taanna assersuutigalugu naammagittaalliornernik allagaqaasiorneranut
ikiortarlugulu tassunga attaveqarnermik ingerlatsisassalluni.

Illersuisoq ukiumut tunngaviusumik 1.600 kr-inik ajunngitsorsiaqartinneqassaaq, kiisalu illersukkami qaammatit pingasukkaarlugit inissinneqarsimaneri tamaasa 1.200 kr-inik ajunngitsorsiaqartinneqartassaaq.

Kalaallit Nunaanni Eqqartuussivik illersuisup piginnaatitaaffianik pisussaaffiinillu siunnersuillunilu ilitsersuisarpoq.

Illersuisutut atuunnissat soqutigigukku Kommuneqarfik Sermersooq saaffiginniffissaq ataani allassimasoq atorlugu saaffigisinnaavat. Tamatumalu illersuisutut atuunnissat politiinut
innersuussutigineqassaatit.

Inussiarnersumik inuulluaqqusilluta
Suliffeqarnermut Isumaginninnermullu Ingerlatsivik
Imaneq 34, Postboks 1005
3900 Nuuk

PDF