Nuummi timersoqatigiinnissamik ingerlatseqataarusussinnaavit?

Maanna illit, gruppit imaluunniit peqatigiiffiit timersoqatigiilluni aaqqissuussinissamut taperneqarsinnaalerputit/- pusi, siunnersorneqarsinnaalerputit/-pusi ataqatigiissaarinissamullu ikiorneqarsinnaalerputit/-pusi.

Sport Event Nuuk »Oquna« Nuummi timersoqatigiinnissamik ingerlatserusuttunut tamanut – soorlu assersuutigalugu aqqusinermi nunamiluunniit arpannernik, ataatsimiititsilerpoq.

ATAASINNGORNEQ 20. NOVEMBER NAL. 18.30 – 21.00 ujakkaartartut NSP’p illuutaanni
/Nuussuup Mannguani, Akunnerit Nukissiorfiillu Qitiusumik Allaffiata akornganni

SIUNERTAQ
Timersoqatigiiffiit, inuit ataasiakkaat imaluunniit suleqatigiit timersoqatigiinnermik pilersaarusiornissaat piviusunngortitsinissaallu kiisalu aaqqissuussinissaat ataatsimiinnerup tunngaviusumik aallaavigaa.

Ataatsimiinneq aaqqissuisut isaannit sunik unammilligassaqarneq ajornartorsiutillu suut piunersut suussusersineqassapput. Ataatsimiinnermi pisariaqartitat, kissaatit aamma timersoqatigiissitsinermi aaqqissuussinermilu piumasaqaataasut eqqartorneqassapput. Immaqa timersoqatigiissitsinissaq ullulereersimavat, taava tamanna aallaaviussaaq pitsaasoq, soorluttaaq aamma aaqqissuussinerit akimorlugit ikorfartueqqullutalu ikioqatigiissitseqqusugut.

Aaqqiissuussinerit ikorfartornissaat imaluunniit siunnersuinissaq immikkut ittumik kattuffinnut tunngassuteqartut ataatsimiinnermi siunertarineqanngillat.

Sport Event Nuuk »Oquna« aqqutigalugu Kommuneqarfik Sermersuup kissaatigaa, Nuup illoqarfittut timersorfiusutut nittarsaannissaa. Illoqarfik timersorfiusoq peqataasunit qanittumit ungasissumiillu pilerigineqartoq.

Ataatsimiinnissamut peqataanissaq nalunaarutigineqartariaqanngilaq.

Poul Petersen
Timersoqatigiinnernik ataqatigiissaarisoq
Sport Event Nuuk »Oquna«

PDF