Kommuneqarfik Sermersooq suliffeqarfinnik nittarsaanermi peqataasoq

Sapaatip akunnerata naanerani Københavnimi Århusimilu suliffeqarfinnik nittarsaasoqarmat, Kommuneqarfik Sermersooq saqqummiimmat ornigarneqarluarsimavoq.

Ukioq manna kommuuni qutsinnerusunik aallartitaqarsimavoq, borgmesteri Asii Chemnitz Narup kommuunillu pisortaa Lars Møller-Sørensen peqataammata.

”Illoqarfiit pingaarnersaannut pilersaarutitta ilaa annertooq, inuusuttut ilinniartut Danmarkimit uteqqinnissaannut tunngavoq, isumaqarpugullu suliffeqarfipput inuusuttatsinnut ilinniarluarsimasunut piukkunnaateqarluartoq”, Asii Chemnitz Narup oqarpoq.

Borgmesteri kommuunillu pisortaa naapertorlugit Kommuneqarfik Sermersooq ilinniartunit soqutigineqarluarsimavoq.