Nuummi torersaanissamut piffissanngorpoq: Najukkavit eqqaani eqqagassatit annertuut igikkit

Najukkavit eqqannguani oktobarip 16-anniit oktobarip 29-annut eqqagassatit annertuut navianarsinnaasullu iginnissaanut periarfissaqassaatit. Eqqakkanik Sullissiviup illoqarfimmi eqqaaviit angallattakkat ingerlaarteqqinniarpai.

Kommuneqarfik Sermersuumit eqqakkat eqqortumik immikkoortiterneqartarnissaat pingaartinneqarpoq. Taamaalilluni atoqqitassarinngisatsinnik avatangiisinut mingutsitsineq annikillisinneqassaaq. Sapinngisamik atoqqiisarnissaq kiisalu eqqagassanit atorluarsinnaasat pitsaanerpaamik atorneqarnissaat kommunimit qulakkeerneqarusuppoq.

Tamanna anguniarlugu Kommuneqarfik Sermersuup eqqakkatit tunniutinnginnerani immikkoortiterneqarsimanissaat pisariaqartippaa. Taamaaliornikkut eqqagassat savimernit immikkut nassiunneqarsinnaassapput, eqqagassat ikuallassinnaasut Ikuallaaviliaanneqarsinnaassapput kiassarnermullu atorneqarlutik, eqqagassallu atoqqinneqarsinnaanngitsut eqqakkanut toqqorsivinniitinneqarlutik.

Kommunip avatangiisinut mingutsitsinnginnissamut iliuuseqarnissat ajornannginnerulersissavaa. Ukioq kaajallallugu akeqanngitsumik eqqagassatit Eqqakkanik Sullissivimmut tunniussinnaavatit, tassani immikkoortitanut assigiinngitsunut containereqarpoq. Ukiumut marloriarluni – upernaakkut ukiakkullu – kommune eqqaavinnik angallattakkanik najukkavit eqqaanukaassisarpoq, taamaalillutit nalaasaarfikut, fladskærmit seqummakoq imaluunniit barnevogni nungullarnikoq igissinnaavatit.

”Eqqakkanut Sullissiviit pingajussaaneertumik ingerlanneqassapput.  Innuttaasut neqeroorut tigulluarsimavaat, immikkoortiterinermillu ikiuulluarsimallutik. Avatangiisinut iluaqutaavoq, paarilluartussaavarpummi” oqarpoq Malene Lynge (IA), Sanarfinermut Avatangiisinullu Ataatsimiititami siulittaasoq.

Eqqakkanut sullivinnut angallattakkanut eqqagassat navianarsinnaasut – soorlu qalipaatit kemikaliallu sinnikui, elektronikkimut tunngasut akkumulatorillu.

”Eqqagassat taakku erruivinnut kuineqaqqusaanngillat, eqqaavimmut imaluunniit illoqarfimmi containerinut arlaanniittunut, kingornalu Ikuallaavimmi imaarneqartartunut, igeqqusaanngillat. Pinngortitamut ajoqutaanngitsumik allatut iliuuseqarnikkut iginneqartartussaapput,” oqarpoq Malene Lynge.

Eqqakkanut Sullissivinnut angallattakkanut eqqagassatit navianarsinnaasut tunniukkukkit, Ikuallaavimmi eqqakkanut navianarsinnaasunut tigooraavimmukaanneqartarput.k Tassani kommunimi sulisunit ilinniarsimasunit, eqqakkanik passussinissamut akuerisaasunit, pinngortitamut inissinnagit, immikkoortiterneqarnissaat, poortorneqarnissaat kiisalu nunanut allanut nassiunneqarnissaat isumagineqartarput.

Eqqagassanik annertuunik katersineq innuttaasunut namminerisamik inissialinnut kiisalu ilaqutariinnut ataasiakkaanut attartortittakkani inissialinnut ineqartunut atuuppoq. INI-mi Iserit-imiluunniit inimik attartortuuguit, eqqakkanillu annertuunik igitsiniarlutit taava inissiaatileqatigiiffiup viceværtia attavigissavat.

Siornatigut eqqakkat annertuut aqquserngup eqqaanut iliorarneqartartut Eqqakkanik sullissivinnik angallattakkanik taarserneqarput.

Maannakkut immikkoortukkuutaani ulloq ataaseq katersisoqartassaaq – kingullermitut ulluni marlunni uninngassanngillat. Kingullermit paasineqarsimammat, immikkoortortani ullut marluk uninngasarnissaq pisariaqartinneqanngitsoq taamatut allannguisoqarpoq.

Eqqakkanik Sullissivik angallattagaq qaqugu eqqassinniissanersoq takuuk

Eqqagassanik annertuunik tunniussinissamut malittarisassat takukkit

Paasissutissat

  • Eqqakkanik Sullissiviit angallattakkat Nuummi ingerlaartinneqassapput piffissami 16. oktobarimiit 29. oktobarip tungaanut. Eqqakkanik Sullissiviit ammasarput sulisoqarlutillu nal. 15-20.
  • INI-mi Iserit-imiluunniit inimik attartortuuguit, eqqakkanillu annertuunik igitsiniarlutit taava inissiaatileqatigiiffiup viceværtia attavigissavat.
  • Siornatigut eqqakkat annertuut aqquserngup eqqaanut iliorarneqartartut Eqqakkanik sullissivinnik angallattakkanik taarserneqarput.
  • Eqqakkanut Sullissivinnut angallattakkanut eqqagassatit navianarsinnaasut tunniukkukkit, Ikuallaavimmi eqqakkanut navianarsinnaasunut tigooraavimmukaanneqartarput.k Tassani kommunimi sulisunit ilinniarsimasunit, eqqakkanik passussinissamut akuerisaasunit, pinngortitamut inissinnagit, immikkoortiterneqarnissaat, poortorneqarnissaat kiisalu nunanut allanut nassiunneqarnissaat isumagineqartarput.