2017-imi oktobarimi eqqagassanik annertuunik katersineq

Nuuk: Kommuneqarfik Sermersooq Eqqakkanik Sullissivik oktobarimi illoqarfimmi inissiat akornanni ingerlateqqinniarpaa, taamaalilluni innuttaasut namminneq inissiallit aammalu ilaqutariit inissiani attartortakkaniittut eqqakkanik annertuunik navianarsinnaasunillu najukkami eqqaani tunniussisinnaassapput.

Siornatigut eqqakkat annertuut aqquserngup eqqaanut iliorarneqartartut Eqqakkanik sullissivinnik angallattakkanik taarserneqarput.

INI-mi Iserit-imiluunniit inimik attartortuuguit, eqqakkanillu annertuunik igitsiniarlutit taava inissiaatileqatigiiffiup viceværtia attavigissavat.

Eqqakkanik Sullissiviit ammasarput sulisoqarlutillu nal. 15-20.

EQQAKKAT UKUNUNNGA IMMIKKOORTITERNEQARLUTIK TUNNIUNNEQASSAPPUT:

  • Igalaamerngit (igalaaminiinnaat assersuutigalugu: igalaat sinaakkuteqanngitsut, paarnat simersiat puui simeqanngitsut)
  • Savimerngit (soorlu cykelit, manitsiviit aamma barnevognit)
  • Eqqagassat navianartut (qalipaatit akuutissallu sinnikui, akkumulatorit, elektronikkimut atortut mikisut, igaffimmi errorsisarfimmilu atortorissaarutit, TV, elektronikkimullu tunngasut allat)
  • Ikuallanneqarsinnaasut/ toqqaannartumik atoqqinneqarsinnaasut (assersuutigalugu pequttat, biilit assakaasui, pappialat karsikullu)
  • Ikuallassinnaanngitsut – quimut assigisaannulluunniit inisseriaannaat (assersuutigalugu marriat, naasuliviit, illumut oqorsaatit, qarmakut, natersuit)

AMMASARFIUP AVATAANI EQQAKKANIK SULLISSIVIUP SILATAANUT ILIORAASOQASSANNGILAQ

Inuussutissarsiuteqartunit eqqagassat, eqqagassat immikkoortiterneqanngitsut, nalinginnaasumik eqqagassat imaluunniit eqqagassat masattupilussuit tigoorarneq ajorpavut.

Eqqaamallugu illit akisussaaffigivat eqqakkat eqqortumik immikkoortiternissaat, siunnersuinissatsinnulli piareersimavugut.

Eqqakkanut Sullissiviit pingajussaaneertumik ingerlanneqassapput. Maannakkut immikkoortukkuutaani ulloq ataaseq katersisoqartassaaq – kingullermitut ulluni marluni uninngassanngillat. Kingullermit paasineqarsimammat, immikkoortortani ullut marluk uninngasarnissaq pisariaqartinneqanngitsoq taamatut allannguisoqarpoq.

Eqqakkanik Sullissivik angallattagaq qaqugu eqqassinniissanersoq takuuk

Nunap assinga takuuk