Kujallerpaat, Nuuk

Kommunip pilersaarutaanut tapiliussamut siunnersuut 1A5-1.

Aningaasaqarnermut Ataatsimiititaq ataatsimiinnermi ulloq 17.8.2017 aalajangerpoq, kommunimut pilersaarummut tapiliussassatut siunnersuut piffissami 13.09. 2017 – 08.11. 2017 sapaatip akunnerini arfineq-pingasuni tusarniaassutigineqassasoq.

SIUNERTAQ:
Kommunimut pilersaarummut tapiliussatut siunnersuut Namminersorlutik Oqartussat illunik isatererusunnerat tunngavigalugu
suliarineqarpoq, pineqarlutik B-461, B-462, B-1380, B-1381, B-1418, B-1419, B-453 aamma B-454 tamatuma kingorna ilinniartunut inissiat nutaat ullutsinnut naleqquttut qulit pingasunik sisamanilluunniit quleriillit taakkunnungalu atasut attaveqaatinut tunngasut sanatillugit.

Nutaanik illuliortiternermi illuliortaaseq eqqumaffigineqassaaq ilaatigut kommunip illuliortaatsimut politikkiani anguniakkanut naapertuutitinneqassalluni. Siunnersuutigineqarpoq, annertunngitsunik immikkoortukkuutaanik arlalinnik illoqarfimmut sanaartoriaatsinullu naleqqussakkanik sanaartortoqassasoq. Illut tamarmik immikkut sisamanik inissiartaqarput pingasunillu quleriiullutik. Immikkoorutaassalluni illut sumiiffimmi immikkuualuttup sanimut silissusaata takivallaannginneranut naleqqussagaanerat, Kujallerpaani ilinniartunut inissiat pioreersunut naleqqussagaaneri kiisalu ilinniartunut inissianut sanaartorneqartunut kingullernut sisamanut assingusuussallutik.

Kommunimut pilersaarummut tapiliussami aamma sissaq atuarlugu aqqusineeraliornissamik pilersaarut sumiiffimmi aqqusineeqqamut attavilerlugu periarfissaatinneqarpoq. Peqatigitillugu aamma kommunimut pilersaarummut tapiliussami siunertaavoq, siusinnerusukkut kommunimut pilersaarummut tapiliussaliani aalajangersakkat atuuttuujuartut tamaasa ataatsimut katersornissaat, taamaalilluni taakku kommunimut pilersaarummut tapiliussami ataatsimut allassimasuutigineqalersut atuarneqariaannagorlugit.

INATSISINUT TUNNGASUT
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut sanaartorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

PILERSAARUT UANI ATUARNEQARSINNAAVOQ
Kommunimut pilersaarummut tapiliussaq Nunatta Atuagaateqarfiani atuarneqarsinnaavoq, kommunimi innuttaasunik sullissivimmi, kommunillu nittartagaani sermersooq.gl imaluunniit Sanarfinermut Avatangiisinullu ingerlatsivimmut oqarasuaammut 36 74 34-mut sianerluni saaffiginninnikkut pineqarsinnaavoq.

OQAASERTALIUSSAT, OQAASEQAATIT AKERLILIISSUTILLU
uunga nassiunneqassapput
plan@sermersooq.gl
8. november 2017 nallertinnagu.

NAAMMAGITTAALLIUTEQARNISSAMUT ILITSERSUUT
Kommunalbestyrelsip aalajangiinera naammagittaalliutiginiaraanni, naammagittaalliuut saaffiginnissutigineqassaaq:

NAALAKKERSUISUT,
Aningaasaqarnermut Naalakkersuisoqarfik,
Pilersaarusiornermut
Immikkoortortaq,
Postboks 1037 · 3900 Nuuk

Uuma saqqummiunneqarneraniit naammagittaalliuut kingusinnerpaamik sapaatit akunneri arfineq-pingasut qaangiutsinnagit nassiunneqareersimassaaq.

Atuarluarisi!
Inussiarnersumik inuulluaqqusilluta
Illoqarfimmik inerisaavik

PDF