Katersugaasivik Nuutoqqami / Nuuk Lokalmuseum kulturikkut paarlaasseqatigiinneq

Katersugaasiviup Nuutoqqap nuannaarutigalugu amutsiviup “maskiinaleriffitoqaani” saqqummersitsiviit nutaat atoqqaarfissiussavai sapaatiuppat 13. aggusti nal. 13.00.

Pingaartorsiorpalaartumik nuannersumik saqqummersitsoqassaaq, tamannalu qaammatip ataatsip ingerlanerani Nuummi sanaluttartut taavalu Hors Pistes suleqatigiinneratigut pilersinneqarpoq.

Hors Pistes Europami eqqumiitsuliorneq ilusilersuinerlu pillugit suleqatigiiupput, Nunarsuarpullu tamaat angalapput tikitaminni sanaluttartut suleqatigisarlugit. Taamaaliortarpullu illuatungeriit iluaqutigisassaannik isumassarsiorfissaannillu misilittakkanik paarlaasseqatigiinnikkut eqqumiitsulioriaatsimik nutaamik pilersitseqatigiinnikkut.

Suli suleqatigiissutigalugu suliarineqarmat, saqqummersitsinerup imarisaa aatsaat ulloq taanna ammaanersiortoqarnerani aatsaat paasineqassaaq.

Taamaammat sapaatiuppat nal. 13.00 Nuutoqqami / Nuuk Lokalmuseumimit tikilluaqqusinissaq qilanaarineqaqaaq, tassanilu eqqumiitsuliorneq ilusilersuinerlu pillugit suleqatigiit najuutissapput suliartik pillugu oqaluttuarissammassuk.

Saqqummersitassat piareersarneranit assilisat ataani takukkit.