Conterinerinut angallatinullu inissiiviit atorunnaarsinneqassapput

Nuuk: Nuuk Imerup eqqaaniittoq containerinut inissiivik, Qasigiannguit timaani angallatinut inissiivik aamma naluttarfiup Maliup eqqaani angallatinut inissiivik atorunnaassapput. Inissiiviit taakku atorunnaannginnerini angallatit containerillu peerneqareersimassallutik.

Angallatit containerillu naluttarfiup Maliup eqqaaniittut, Qasigiannguit timaaniittut aamma Nuuk Imerup eqqaaniittut 2017-imi aasap ingerlanerani allamut nuunneqareersimasnissaat pingaaruteqarpoq, tassa suliffeqarfinnik inissianillu sanaartornernut Kommuneqarfik Sermersuumit nunaminertat atorneqassammata.

Qinngutsinni inissiiffiugallartussaq
Angallatit containerillu nuunneqassapput Qinngutsinni inissiiffiugallartussamut (Nuuk Transportip toqqorsiviata eqqaaniittumut). Angallatit containerillu juulip quliganiit Qinngutsinnut nuunneqarsinnaalissapput tassaniissinnaassallutillu 2019-ip naalernerata tungaanut.

Nuunneqartussat inuttaasa namminneq nuussavaat
Angallateqaruit containeriuteqaruilluunniit taakku inissiiffiugallartussamut nuunnissaat nammineq isumagissavat. Pigisallu nuunnginnerini nunaminertamik iliffiusussamut, tassa Qinngutsinnut, qinnuteqarnissaq eqqaamaneqassaaq, tamanna pissalluni nittartakkakkut sullissivik.gl. Nunaminertamik qinnuteqarneq 265 koruuneqarpoq.

Angallatinik containerinillu nuussineq Kommuneqarfik Sermersuumi Nunaminertanut Sanaartukkanullu Oqartussaqarfik suleqatigalugu pissaaq. Nuussiffissami angallatit containerillu sumut inissinneqassanersut taamatullu normussaa suussanersoq kommunip isumagissavaa.

Taamaallaat angallatit containerillu Qinngutsinnut inissiiffiugallartussamut nuunneqassapput. Allat soorlu biilit, maskinat atortukui aamma kilisaatit atortui inissiiffiugallartumut ilineqassanngillat.

Qaqugu nuunneqareersimassappat
Nuuk Imerup eqqaaniittoq nunaminertaq kingusinnerpaamik aggustip 15-ianni containerinik takussaasuerunnissaa Kommuneqarfik Sermersuumit naatsorsuutigineqarpoq. Tamanna pereerpat Qasigiannguani angallatit nussorneqarnissaat tullinnguutissalluni. Kommuneqarfik Sermersuumit naatsorsuutigineqarpoq tamanna septembarip aallaqqaataata missaani aallartissinnaassasoq – tamatumalu kingorna naluttarfiup Maliup eqqaaniittut nussorneqalissallutik. Containeriot angallatillu nuunneqarsimanngitsut kommunimit nuunneqassapput inuttaannullu akiligassaq nassiunneqassalluni.

Apeqqutit?
Apeqqutit tamarmik Nunaminertanut Sanaartukkanullu Oqartussaqarfimmi sulisunut:
Vilhelm Lynge Hard, oqa. 36 76 42,  vilh@sermersooq.gl
Andreas Mølgaard-Christiansen, oqa. 36 74 49, amch@sermersooq.gl