Puttasunik kommune-p pigisaanik atuinissamut maleruagassat nutaat

Puttasut qanittukkut imaanut aqqarneqalerput. Kommuneqarfik Sermersooq puttasunik kommune-p pigisaanik Kangerlukasik Avannarlermi innaallagissiorfiup eqqaani atuinissamut maleruagassat nutaat atuutilersitsivoq.

Umiatsiat pitunneqartut tamarmik piginnittuisa atiinik oqarasuaataasalu normuinik ersarissumik ikkussiffigineqarnissaat kommunip piumasaraa.

Umiatsiat kimit pigineqarnersut takuneqarsinnaanngippata taakku puttasunit peerneqassapput aningaasartuutillu inuanut nassiunneqassallutik.

Puttasut ukiakkut nunamut qaqinneqarneri kommunimit annertuumik aningaasartuutaasarput. Puttasut qaqinneqalernerini umiatsiat kimit pigineqarnerinik ersarissumik allassimanngikkaangata tamanna puttasut nunamut qaqinneqarnissaannik kinguarsaataasarpoq. Tamakku pillugu maleruagassat nutaat ukioq manna atulersinneqarput. Maleruagassat Nuummi taamaallaat atuupput.

Apeqqutissaqaruit uunga sianissaatit
Oqar. 36 74 00, sai@sermersooq.gl

Puttasut ukiakkut 2016 qaqinneqarnialersut. Takuneqarsinnaavoq umiatsiat arlallit inuttaminnit isumagineqarsimanngitsut.