Avatangiisinut mingutsitsisinnaasut februar 2017

Sanarfinermut Avatangiisinullu Ingerlatsiviup ataani Eqqakkanik tigooraaviup kommunimi saligaatsuutitsinissaq pingaarnertut akisussaaffigaa. Kommunimi eqqagassat suliffeqarfinneersut namminersortuneersullu suliarinerisa saniatigut sulisut innuttaasunit inuussutissarsiutinik ingerlataqartunillu saaffiginnissutit akisarlugillu nakkutigisaraat.

Nakkutilliinerit
Qaammat februar-imi suliassanngortut 40-simapput, avatangiisinik nakkutilliisup suliat amerlanerit  nammineerluni ujartugarivai.   Suliat 15-init eqqakkanik maanngaannaq ilisat, 19-illu eqqakkat ulorianartut maanngaannaq ilisat, suliallu sisamat qaammat kingullermiit ingerlateqqitaallutik. Suliaq ataaseq misissoqqitassanngorpoq, suliffeqarfik eqqakkanik aaqqiissuteqarnersoq misissugassanngormat. Innuttaasoq ataaseq eqqakkanik maangaannaq ilisisimasoq, allakkatigut saaffigigaluarlugu qisuarianngimmat, kommune eqqakkat peerpai, akiligassarlu innuttaasumut ingerlaqqittariaqarsimallugu.

Eqqakkat ulorianartut
Qaammammi februar-imi uloriatartunik eqqakkat suliat 19-iusimapput. Suliassanngortut taakku tamarmik ineqarfimmiinnerupput, eqqakkallu  container-it eqqaannut inissinneqaannartarsimallutik. Qujanartumik inissianik piginnittut saaffigiuminarsimapput, piumaffigineqaraangamik eqqakkkat piaartumik peerneqartarput, suliallu tassuugunnguaq naammassisarlutik.

Eqqakkanik passussinermi apeqquteqaat
Innuttaasuniik saaffiginneqallattaavugut eqqagassaatitik pillugit, innuttaasut isumaqarlutik eqqakkatik aatiinnarsinnaallugit, imaluunniit innuttaasut eqqagassaateqarnermik container-imik aggiussisinnaanersut.

Sanaartornermi eqqagassat
Suliffeqarfik ataaseq saaffigisimavarput, suliffeqarfiup eqqaa tukappallaarnera pillugu.

Kommune-minngaanniit nalunngilarput Nuuk Imeq-ip tunuaut assut eqqaaginnartoqartartoq. Kommune suliniummik aallartisaaniarluni suliffeqarfiit minnerusunut saaffiginnillattaalernikuuvoq eqqagaatiminnik aaqqiissutaannik misissuiffiginiarlugit. Suliffeqarfiit kommune-mut pappiaqqatigut uppernarsaasinnaasariaqarpaat eqqagassanik aaqqisutertik qanoq ittoq atornerlugu. Tanamma atatillugu Nuuk Imeq-p tunuani nakkutiginninnermi atortunik kommune ilisiniarpoq.