Tasiilaq Paamiullu Timersorneq pillugu siunnersuisooqatigiinnik peqalissapput

Timersorneq pillugu siunnersuisooqatigiit marluk – aappaa Paamiuni aappaalu Tasiilami – timersoqatigiiffiit Kommuneqarfik Sermersuullu attaveqarnerulernissaannik suleqatigiinnerulernissamillu pilersitsissapput.

Paamiut Tasiilarlu illoqarfimminni Timersorneq pillugu siunnersuisooqatigiinnik peqalernissamut qilanaarsinnaapput. Kommunalbestyrelsip illoqarfinni taakkunani siunnersuisooqatigiinnik pilersitsinissaq akuersissutigereerpaa.

Timersorneq pillugu siunnersuisooqatigiit Tasiilami Paamiunilu timersoqatigiiffinnut pitsanngorsaassapput, kommunillu aalajangiussaanut tusarnaartartuullutik. Soorlu kommunip timersortarfiini timersornerup ulluani nersornaasiinerni atuinissamik agguaanernut tunngasuusinnaapput. Najukkani pissutsini peqatigiiffiit sulerisarnerini timersornermut siunnersuisoqatigiit paasiniaaqataasassapput.

Maanna timersoqatigiiffiit innuttaasullu pilersitsiniarluni ataatsimiinnernut aggersarneqaleruttorput. Tassani Timersorneq pillugu siunnersuisooqatigiit pilersinneqassapput, kingornalu malittarisassat suleriaasissallu  suliarineqarumaarput taakku Kommuneqarfik Sermersuumit akuerineqartussanngugassat.

Nuummi Timersorneq pillugu siunnersuisooqatigiinnik peqareerpoq. Taakku 2015-imi pilersinneqarsimasuupput.