Kommuneqarfik Sermersuumi apriilip sisamaanni 2017 kommunimut qinersineq

Kommunimut qinersineq

Marlunngorneq apriilip sisamaanni qinersisoqassaaq Ulloq taanna kommunalbestyrelsimut, nunaqarfinnut siulersuisunut ilagiillu sinniisaannut qinersisoqassaaq.

Qinersiviit nal. 09:00-imiit 20:00-ip tungaanut ammassapput. Qinersiviit sumiissanersut ataani atuarneqarsinnaavoq.

Apriilip sisamaanni 2017 qinersinermi Kommuneqarfik Sermersuumi kommunalbestyrelsimut ilaasortanik 19-inik qinersisoqassaaq. Kommunalbestyrelsemi inissat sisamat sumiiffinnit sinniisinit illoqarfinnit ukunannga Tasiilamiit, Ittoqqortoormiiniit, Paamiuniit aamma Nuummiit inuttalerneqassapput. Kisitsinermut atatillugu sumiiffinit kikkut issiassanersut agguataarneqassapput.

Nunaqarfinni Aqutsisunut qinersineq

Nunaqarfinnut Aqutsisunut qinersineq apriilip sisamaanni ingerlanneqassaaq. Qinersiviit nal. 9:00-imiit 20:00 tungaanut ingerlanneqassapput.

Nunaqarfinni Aqutsisunut qinersineq ulloq taanna aamma ingerlanneqassaaq, kommunalbestyrelsimut qinersinermi qinersiviusuni. Nunaqarfinnut Aqutsisut maannakkut aqutsisuusut assigaat:
•Kulusuk, Tiilerilaaq, Isertoq – taakkununnga ilaasortat tallimat qinerneqassapput
•Kuummiit, Sermiligaaq – taakkununnga ilaasortat tallimat qinerneqassapput
•Kapisillit, Qeqertarsuatsiaat – taakkununnga ilaasortat tallimat qinerneqassapput
•Arsuk – tassunga ilaasortat pingasut qinerneqassapput.

Ilagiit sinniisaannut qinersineq

Ilagiit sinniisaannut qinersineq kommunalbestyrelsimut qinersinermi ulloq taanna aamma ingerlanneqassaaq, ilagiit sinniisaannut taasinertaqanngitsumik qinersisoqanngippat. Annertunerusumik paasisaqarniaraanni palaseqarfimmi qaninnerpaami palasi attavigeqquneqarpoq.

Ilagiit sinniisaannut QINERSINERMI QINIGASSANNGORTINNIAKKAMIK nalunaarut>>

Qinersiviit qinersititsisullu

Nuuk
Qinersivik: Nuummi Illorsuaq Timersortarfik
Qinersititsisoq: Aviâja Lyberth Lennert

Tasiilaq
Qinersivik: Katersortarfik, Ujuaap Aqqulaa B 480, 3913 Tasiilaq.
Qinersititsisoq: Karen Mølgaard

Kuummiit
Qinersivik: Kommunip allaffia B 1156 Kuummiit, 3913 Tasiilaq.
Qinersititsisoq: Ella Kristiansen

Kulusuk
Qinersivik: Kommunip allaffia B-712 Kulusuk, 3915 Kulusuk
Qinersititsisoq: Ebba Kunak

Sermiligaaq
Qinersivik: Kommunip allaffia B 1584 Sermiligaaq, 3913 Tasiilaq.
Qinersititsisoq: Edvardine E Maratse

Isertoq
Qinersivik: Kommunip allaffia B 382 Isertoq, 3913 Tasiilaq.
Qinersititsisoq: Gertrud Poulsen Pötzsch

Tiileqilaaq
Qinersivik: Kommunip allaffia B 747 Tiileqilaaq, 3913 Tasiilaq
Qinersititsisoq: Jensine Boassen

Paamiut
Qinersivik: Katersortarfik ”Taqqissuut”
Qinersititsisoq: Niels Lorentzen

Arsuk
Qinersivik: Katersortarfik
Qinersititsisoq: Helga Egede

Kapisillit
Qinersivik: Illu Sullissivik
Qinersititsisoq: Malersorniannguak Josefsen

Qeqertarsuatsiaat
Qinersivik: Katersortarfik
Qinersititsisoq: Jonathan Jacobsen

Ittoqqortoormiit
Qinersivik: Katersortarfik, Ittoqqortoormiit
Qinersititsisoq: Evald Simonsen

Qinigassanngortittut

Qinigassanngortittut allattorsimaffiannut qinigassanngortitsisut amerlassusii: Qinigassanngortittut, kommunalbestyrelsimut qinersinermut qineqqusaarusuttut, Kommunalbestyrelsinut, Nunaqarfinni Aqutsisunut Ilagiillu sinniisaannut qinersisarneq pillugu Inatsisartut inatsisaat nr 27, 28. november 2016imeersoq naapertorlugu nalilersuutinik naammassinnissapput.
Qinersinissamut inatsimmi allassimasut tamakkerumallugit matumani qinersinissamut inatsimmi paragraf 14imiit 17imut tamakkiisumik innersuussutigaavut. Malugalugu, ilaatigut piumasarineqarmat qinigassanngortittut, partiip avataatigut qinigassanngortittut, qinersivimmi qinersisinnaasunit ikinnerpaamik qulinit qinigassanngortinneqassammata. Aamma malugiuk, qinigassanngortittumut ataasiinnarmut qinigassanngortitsisoqarsinnaammat.

Kisimiillutik qinigassanngortittut
§ 14.  Qinersinissamut qinigassanngortittoq kisimiilluni qinigassanngortittutut, kisimiillutik qinigassanngortillutik kattusseqatigiittut, imaluunniit partii qinigassanngortitsisinnaasoq sinnerlugu qinigassanngortissinnaapput, tak. Inatsisartunut qinersisarneq pillugu inatsisartut inatsisaat. Kinaluunniit partiimut qinigassanngortitsisinnaasumut ataatsimit amerlanerusunut qinigassanngortissinnaanngilaq imaluunniit partiimut qinigassanngortiutigaluni partiit avataanni qinigassanngortissinnaanani.
Imm. 2.  Partiimik qinigassanngortitsinermut nalunaarsuiffimmi aamma qinigassanngortitanik nalunaarummi inummik ataatsimik attaveqaataasussamik allassimasoqartassaaq qinersinermik siulersuisut nalunaarutiginninneq pillugu saaffigisassaannik. Inuk attaveqaataasussaq qinigassanngortittut tamaasa sinnerlugit nalunaarummut attuumassuteqartumik saaffiginnissutit tamaasa tigunerinut uppernarsaalluni atsiornissamik piginnaatinneqartutut isigineqassaaq.

Partiinit qinigassanngortittut
§ 15.  Partii sinnerlugu qinigassanngortittut nalunaarutigineqarnerat qinersinermik siulersuisut partiinut nalunaarsuiffissatut allaffissiaatigut pisassaaq. Nalunaarut qinersivimmi qinersinermik siulersuisunut kingusinnerpaamik qinersinissaq sapaatit akunnerinik arfinilinnik sioqqullugu nal. 12.00 tunniunneqassaaq.
Imm. 2.  Partiimi qinigassanngortitanik nalunaarutiginninneq qinigassanngortittut aqqinik, inuup-normuinik, atorfiinik najugaannillu imaqassaaq.
Imm. 3.  Qinigassanngortittut qinersinissamut qinigassanngortinnertik kiisalu qinersinermik siulersuisut imaluunniit Qinigaasinnaassuseq pillugu Ataatsimiititaliami qinigaasinnaassutsip misilinneqarnissaanut atorneqartussamik, tak. § 59, imm. 4 aamma 5, Kalaallit Nunaanni Politimestereqarfimmut pinerluttulerinermut nalunaarsuiffimmut paasissutissanik piniarsinnaanerat akuersaarlugu namminneq atsiorlutik uppernarsarsimassavaat. Nalunaarummi namminermi imaluunniit taassuma assilineqarnerani atsiortoqarsinnaavoq.
Imm. 4.  Partiinut nalunaarsuiffiit nalunaarutigineqarneri inummit partiimut atsiorsinnaatitaasumit atsiorneqarsimassapput.
Imm. 5.  Partiit qinigassanngortitsinermik akuersissutaat partiinut qinigassanngortittut nalunaarutigineqarnerisa nuutinneri atsiukkat qinersinermik siulersuisunut nassiunneqarsinnaapput.
Imm. 6.  Partiit kattusseqatigiinnissamik isumaqatigiissuteqarsinnaanngillat.

Partiit avataanni qinigassanngortittut kattusseqatigiillu
§ 16.   Qinigassanngortittunik partiit avataanni qinigassanngortitanik nalunaarut  qinersinermik siulersuisut qinigassanngortittut pillugit allaffissiaasigut nalunaarutigineqartassaaq qinersinermik siulersuisunut tunniunneqareersimassalluni kingusinnerpaamik qinersinissaq sapaatit akunnerinik arfinilinnik sioqqullugu nal. 12.00.
Imm. 2. Qinigassanngortitsinermut nalunaarsuiffimmi qinigassanngortittup aqqa, inuup-normua, atorfia najugaalu allassimassapput.
Imm. 3. Qinigassanngortittut qinersinissamut qinigassanngortinnertik kiisalu qinersinermik siulersuisut imaluunniit Qinigaasinnaassuseq pillugu Ataatsimiititaliami qinigaasinnaassutsip misilinneqarnissaanut atorneqartussamik, tak. § 59, imm. 4 aamma 5, Kalaallit Nunaanni Politimestereqarfimmut pinerluttulerinermut nalunaarsuiffimmut paasissutissanik piniarsinnaanerat akuersaarlugu namminneq atsiorlutik uppernarsarsimassavaat. Nalunaarummi namminermi imaluunniit taassuma assilineqarnerani atsiortoqarsinnaavoq.

§ 16a  Partiit avataanni qinigassanngortittut marluk amerlanerusulluunniit kattusseqatigiinnikkut tapersersoqatigiinniarlutik isumaqatigiissinnaapput.  Qinigassanngortitaq ataaseq kattusseqatigiinni ataasiinnarmi peqataasinnaavoq.  Qinigassanngortitap qinigassanngortitaq alla ataaseq amerlanerusulluunniit kattusseqatigisimappagit nalunaarummi tamanna taaneqarsimassaaq.  Qinigassanngortitat kattusseqateqarnissartik atsiorlutik akuersissutigisimassavaat.  Akuersissutit nalunaarummi qinigassanngortitsinermi nalunaarummi namminermi taassumaluunniit assilinerini nalunaarutigineqarsinnaapput.

§ 17. Partiit avataanni qinigassanngortittut nalunaarutigineqarneri qinersivimmi qinigassanngortitsisunit ikinnerpaamik qulinit atsiorneqarsimassapput.  Atsiornerit nalunaarummi namminermi taassumaluunniit assilinerani takuneqarsinnaassapput.
Imm. 2. Nalunaarut qinigassanngortitsisut tamarmik immikkut aqqanik, inuup-normuanik, atorfianik najugaanillu paasissutissanik imaqassaaq.  Inuk attaveqaataasoq, tak. § 14, imm. 2 qinigassanngortitsisut tamaasa sinnerlugit saaffiginnissutit tigunissaannut piginnaatinneqarpoq.  Qinigassanngortitsisut aqqi qinersisartumit allamit kimilluunniit piumasarineqarpata nalunaarutigineqassapput.
Imm. 3. Kinaluunniit qinigassanngortittunut arlalinnut qinigassanngortitsisuusinnaanngilaq. Qinersisartoq taamaallaat qinersivimmi qinersisussat allassimaffianni allassimaffimmini qinigassanngortittumut qinigassanngortitsisuusinnaavoq.

Innuttaasut ataasiakkaat qinersisinnaatitaaneri qinigassanngortissinnaanerilu qinersinermut inatsimmi paragraffit uku naapertorlugit aalajangerneqartarpoq:

§ 1.  Kommunalbestyrelsimut qinersisinnaatitaavoq, taamaattorli tak. § 3, kinaluunniit ullormi qinersiffiusumi 18-inik ukioqalersimasoq qinersinissaq sioqqullugu sapaatip akunnerini arfinilinni kommunimi pineqartumi aalajangersimasumik najugaqarsimasoq, aammalu:
1) 1) danskisut innuttaassuseqartoq aammalu qinersinissaq sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq, imaluunniit
2)  2) sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq.
Imm. 2.  Kalaallit Nunaanni aalajangersimasumik najugaqarneq pineqartillugu, tak. imm. 1, nr. 1 aamma nr. 2 Kalaallit Nunaata avataaniikkallartut aammattaaq § 2-mi ilaatinneqarput.
Imm. 3.  Kommunalbestyrelsimut ilaasortaq kinaluunniit kommunalbestyrelsimut ilaasortaanerminut atatillugu nuna tamakkerlugu soqutigisaqaqatigiit kattuffiannut, kommunimi allami angerlarsimaffeqartumi, piffissaq tamaat siulittaasussatut toqqarneqartoq, kommunimi qimatamini taasisinnaatitaavoq.
§ 2.  Inuit, Kalaallit Nunaata avataanii najugaqarallartut taakkulu inooqatigalugit aapparisaat imaluunniit inuit aallarnissartik sioqqullugu aappariinnermut assingusumik inooqatigiittut kommunalbestyrelsimut qinersisinnaanertik attatiinnarsinnaavaat, aalajangersimasumik najugaqarnissamik piumasaqaat eqqaassanngikkaanni § 1, imm. 1-imi piumasarineqartut naammassisimagunikkit, aamma
1)  1) ilinniagaqarlutik Kalaallit Nunaata avataaniittut.
2)  2) peqqinnissamut tunngasunik pissuteqarlutik Kalaallit Nunaata avataaniittut.
3)  3) Kalaallit Nunaanni qinigaallutik folketingimi ilaasortatut suliaqarnerminnut atatillugu Danmarkimiittut.
4)  4) Namminersorlutik Oqartussanut sinniisuullutik Kalaallit Nunaata avataaniittut.
5)  5) Kalaallit Nunaata avataaniittut aammalu Kalaallit Nunaannut attuumassuteqarnikkut 14-4-mi taaneqartunut sanilliunneqarsinnaasut.
Imm. 2.  Inuit imm. 1 naapertorlugu qinersisinnaanerminnik atatitsiinnarusuttut qinersisinnaasut allassimaffiannut tassunga allagartamut naleqquttumut Naalakkersuisunit atulersinneqartumut ilanngunneqarnissamik qinnuteqarsinnaapput.
Imm. 3. Taamaattoq inuit imm. 1-imi taaneqartut aatsaat nuunnginnerminni Kalaallit Nunaanni inuit aqqisa nalunaarsorsimaffianni nalunaarsorsimappata aamma sivikinnerpaamik katillugit ukiuni marlunni Kalaallit Nunaanni inuit aqqisa nalunaarsorsimaffiini allassimasimagunik qinersisinnaapput.
§ 3.  Inuit namminersorsinnaanermik inatsit naapertorlugu nammineersinnaajunnaarsitaasimasut qinersisinnaatitaanngillat.
§ 4. Kinaluunniit qinersisussat allassimaffiannut ilanngunneqarsimatinnani qinersisinnaatitaanngilaq, tak. §§ 2226-26.
§ 5.  Kommunalbestyrelsimut qinigaasinnaatitaavoq kinaluunniit § 1 imaluunniit § 2 naapertorlugit tassunga qinersisinnaatitaasoq, pineqartoq ukiut kingulliit tallimat ingerlaneranni inaarutaasumik eqqartuussinikkut akiliisitsissutissamilluunniit akuersinikkut pinerluttulerinermi inatsisit tunngavigalugit pineqaatissinneqarsimanngikkuni imaluunniit ukiut kingulliit pingasut ingerlaneranni pissutsimut nalinginnaasumik isigineqarnermi kommunalbestyrelsimut ilaasortaanissamut naleqqukkunnaarsitsisumik pinerluttulerinermi inatsisit tunngavigalugit pineqaatissinneqarsimanngikkuni. Piffissaliussat ullormit qinersivimmiit atuutissapput.
Imm. 2.  Taamaattoq kinaluunniit qinigassanngortissinnaavoq pinerluuteqarsimanermigut pineqaatissinneqarsimanini pissutigalugu qinigaasinnaannginnera pillugu akerliliisoqaraluarpalluunniit.
§ 6.  Kommunalbestyrelsimut qinersinermi kommunit ataasiakkaat qinersivittut ataatsitut isigineqarput.
Imm. 2.  Kommunalbestyrelsimut ilaasortat amerlassusaat qinerneqassapput kommunit aqunneqarnerat pillugu Inatsisartut inatsisaanni § 3-mi aalajangersarneqartut naapertorlugit.
§ 7.  Kommunalbestyrelsimut ilaasortat ukiuni sisamani ilaasortaasussatut qinigaassapput tamarmillu ataatsikkut tunuassallutik, taamaattorli tak. §§ 54-58.
Imm. 2.  Qinigaaffik maajip aallaqqaataaniit naatsorsuunneqartassaaq. Qaammammi apriilimi marlunngornermi siullermi qinersineq ingerlanneqassaaq.

Qinersinermut inatsit tamakkerlugu uani takuuk>>

Kommunalbestyrelsimut QINERSINERMI QINIGASSANNGORTINNIAKKAMIK Nalunaarut>>

Kommunalbestyrelsinut qinersinissamut PARTIIP QINIGASSANNGORTINNIAKKANIK nalunaarutaa>>

Qinigassanngortittut allattorsimaffiannik tamakkiisumik tunniussinissamut piffissaliussaq kingulleq:

Kommunalbestyrelsimut qinersinissamut qinigassanngortittunik nalunaaruteqarnissamut piffissaliussaq kingulleq tassaavoq marlunngorneq februaarip 21iat nal. 12.00.

Qinigassanngortittunik nalunaarut qinersinermut siulersuisunut nassiunneqassaaq, uunga: Kommuneqarfik Sermersooq, Kuussuaq 2, Postboks 1005, 3900 Nuuk. Imaluunniit mailikkut uunga: valg@sermersooq.gl

Nalunaarut qinersivimmi qinersinermut siulersuisunut kingusinnerpaamik qinersinissaq sapaatit akunnerinik arfinilinnik sioqqullugu nal. 12.00 tunniunneqassaaq. Qinersineq apriilip sisamaanni 2017 ingerlanneqartussaammat, imaappoq, qinigassanngortittut allattorsimaffiat kingusinnerpaamik marlunngorneq februaarip 21ianni 2017 nal. 12:00 tunniunneqareersimassaaq.

Annertunerusumik paasisaqarniaruit paragraf 15 aamma 16 qulaaniittut takukkit.

Nunaqarfimmi aqutsisunut qinersisinnaatitaaneq:

§ 61 Nunaqarfimmi aqutsisunut ataatsimoorussanut qinersisinnaatitaavoq kinaluunniit § 1 malillugu kommunalbestyrelsimut qinersisinnaatitaanermut piumasarisaasunik eqquutitsisoq, aammalu qinersinissaq kingusinnerpaamik ullunik 14-inik sioqqullugu nunaqarfimmi aalajangersimasumik najugaqarsimasoq kiisalu § 2-mi inuit taaneqartut.
Imm. 2.  Qinersinissaq ullunik 14-inik sioqqullugu qinersinermik siulersuisut suliarissavaat inuit ullormi qinersivissami qinersisinnaatitaallutik nunaqarfimmi najugallit allattorsimaffiat.
Imm. 3.  Qinersisussat allassimaffiat suliarineqarnermi kinguninngua ulluni marlunni nalinginnaasuni saqqumitinneqassaaq.
Imm. 4.  Inuk qinersisussat allassimaffiannut ilanngunneqarsimasoq qinersisussat allassimaffiata suliarineqareernerata kingorna nunaqarfiup avataani aalajangersimasumik najugaqalersimasoq qinersisussat allassimaffiannit peerneqassaaq.
Imm. 5.  Kinaluunniit qinersisussat allassimaffiannut ilanngunneqarsimatinnani qinersisinnaatitaanngilaq.
Imm. 6.  Qinersisussat allassimaffii pillugit aalajangersakkat §§ 22 – 26-mi  maleruagassat pineqartut atorneqassapput.
§ 62 Nunaqarfimmi aqutsisunut ataatsimoorussanut qinigaasinnaatitaavoq kinaluunniit § 61, imm. 1, tak. § 1, naapertorlugu tassunga qinersisinnaatitaasoq, qinersivimmilu kingusinnerpaamik ullut 14-it sioqqullugu aalajangersimasumik najugaqartoq, pineqartoq ukiut kingulliit tallimat ingerlaneranni inaarutaasumik eqqartuussinikkut akiliisitsissutissamilluunniit akuersinikkut pinerluttulerinermi inatsisit tunngavigalugit pineqaatissinneqarsimanngikkuni imaluunniit ukiut kingulliit pingasut ingerlaneranni pissutsimut nalinginnaasumik isigineqarnermi nunaqarfimmi aqutsisunut ilaasortaanissamut naleqqukkunnaarsitsisumik pinerluttulerinermi inatsisit tunngavigalugit pineqaatissinneqarsimanngikkuni.  Piffissaliussat taaneqartut ullormit qinersivimmiit atuutissapput.”
Imm. 2.  Taamaattoq kinaluunniit qinigassanngortissinnaavoq pinerluuteqarsimanermigut pineqaatissinneqarsimanini pissutigalugu qinigaasinnaannginnera pillugu akerliliisoqaraluarpalluunniit.

Nunaqarfinni aqutsisunut qinersinermi qinigassanngortinniakkamik nalunaarut>>

Nunaqarfinni aqutsisunut qinersinissamut partiip qinigassanngortinniakkanik nalunaarutaa>>

Takuuk Kalaallit Nunaanni nunat allamiut qinersisinnaatitaanerat § 1

Takuuk kalaallit Kalaallit Nunaata avataani najugaqarallarneranni taakku qinersisinnaatitaanerat § 2

Takuuk kalaallit Danmarkimi ilinniagaqartut qinersisinnaatitaanerat § 2

Inuit Kalaallit Nunaata avataaniikkallartunut qinersisussat allassimaffiannut ilanngunneqarnissaminnik qinnuteqarfissaat>>