Igaffimmi kantiinamilu suliassanik ingerlatsinissamut neqerooruteqartitsineq

Kommuneqarfik Sermersuumi, Kommuneqarfiup Allaffiata, matumuuna igaffimmi kantiinamilu suliassat suliariumannittussarsiuuppai. Suliassat tamanut neqeroorutigineqartut isumaqatigiissuteqarnikkut suliarineqassapput Kommunimi Pisiniarnermut Politikki naapertorlugu.

Suliassaq ataatsimoortillugu, Kommuneqarfiullu Allaffiata kantiinaanik attartornertalimmik neqeroorutigineqassaaq, suliassallu ilaannaa kisiat neqeroorutigineqarsinnaanngilaq.

Igaffimmi kantiinami sullissinermi kommunimi sulisut tamarmik nerisassiuunneqarlutillu pajuttorneqartarput, imeruersaatit assigisaallu ilanngullugit, kantiinami tuniniagassatut aammalu ataatsimiinnerni, ilassinninnermi Kommuneqarfiullu Allaffiani allanik aaqqissuinernut atatillugu sassaalliinerni. Tamakku saniatigut kantiina ullumikkut kommunimut kaffiliuussisarpoq, tamatumani kommune sulisunut tamanut akeqanngitsumik kaffimik/tiimillu tunniussaqartarluni.

Igaffimmi kantiinamilu sulineq nammineq ingerlattussaavoq. Kisianni imermut, kiassarnermut innaallagissamut, ingerlatsinermut atortunut, pequtinut assigisaannullu aningaasartuutit Kommuneqarfik Sermersuumit akilerneqassapput, taamatullu neqerooruteqartoq attartornermut akiliuteqartussaanani.

Neqerooruteqarnermi atortussat

Offentligt udbud nr. 2015/SI001

Neqerooruteqarnermi piffissaritinneqartoq

Neqeroorutit ilanngussassat ilanngullugit udbud@sermersooq.gl-imut kingusinnerpaamik 9. oktobari 2015 nassiunneqassaaq. Neqeroorutit pissarsiarineqartut akornanni, neqerooruteqartullu itisiliillutik saqqummiussinissaanut/isumaqatiginninniarfiginissaannut aggersarnissaannut kommune nammineq toqqaasinnaanissaminut pisinnaatippoq.