---
title: "Ataasiaannartumik akuersissut"
date: "2026-08-07"
created: "2026-06-10"
---

[Saqqaa](https://sermersooq.gl/)

                    [Inuussutissarsiutilinnut](https://sermersooq.gl/inuussutissarsiutilinnut)

                    [Akuersissutit](https://sermersooq.gl/inuussutissarsiutilinnut/akuersissutit)

                [Ataasiaannartumik akuersissut](https://sermersooq.gl/inuussutissarsiutilinnut/akuersissutit/ataasiaannartumik-akuersissut)

# Ataasiaannartumik akuersissut

Ataasiaannartumik akuersissut tassaavoq ataasiartumik aaqqissuussinermut imigassamik aalakoornartulimmik nioqquteqarnissamut akuersissut. Peqatigiiffiit, klub-it imaluunniit suliffeqarfiit ataavartumik imigassamik aalakoornartulimmik nioqquteqarnissamut/sassaallersinnaanermut akuersissummik peqanngitsut, ataasiaannartumik akuersissummik pissarsissapput ataasiartumik aaqqissuussinermi imigassamik aalakoornartulimmik nioqquteqarnissaq kissaatigigunikku. Assersuutigalugu nipilersortunik tusarnaartitsinermut atatillugu imigassamik aalakoornartulimmik nioqquteqarnissaq/sassaallersinnaaneq peqatigiiffiup kissaatigiguniuk.

## Ataasiaannartumik akuersissummik pissarsisinnaavusi ukununnga:

- Pisortatigoortumik aaqqissuussinerni
- Matoqqasumik aaqqissuussinermut peqatigiiffiup imaluunniit klub-ip ilaasortaannaanut imaluunniit suliffeqarfiup atorfeqartitaannaanut atuuttumik

Aaqqissuussinissaq kingusinnerpaamik ullut arfineq-pingasut sioqqullugit najukkami innuttaasunut sullissivimmut ataasiaannartumik akuersissummik qinnuteqassaasi. Innuttaasunut sullissiviup ataasiaannartumik akuersissutip nuutinneranik politiit paasissutissiissutitut nassissavai.

**Piumasaqaatit**Inunnut aalakoortunut imaluunniit inunnut 18-it inorlugit ukiulinnut imigassamik aalakoornartulimmik nioqquteqaqqusaanngilasi sassaalleqqusaanasiluunniit. Aaqqissuussinermut isiginnaariat tamanna ersarissumik atuarsinnaassavaat.

Imigassamik aalakoornartulimmik nakkartitsisarfik aqqutigalugu nioqquteqaqqusaanngilasi sassaallerlusiluunniit.

Nal. 20.00-ip kingorna inuit 18-inik ukioqalereersimanngitsut aaqqissuussinernut iseqqusaanngillat angajoqqaaminnit, angajoqqaatut sinniisuminnit inersimasumilluunniit allamit nammineersinnaassusilimmiit nammineersinnaassuseqalersimanngitsumut immikkut akisussaaffilimmit ingiaqatigineqanngikkunik.

**Qinnuteqarneq**Illit peqatigiiffiit, suliffeqarfiutit imaluunniit klub-it ataasiaannartumik akuersissummik qinnuteqarniarpat, kinguliini allassimasoq qinnuteqarnermut immersuiffissaq immersussavarsi.

Najukkassinni innuttaasunut sullissivimmut imaluunniit nunaqarfimmi allaffimmut qinnuteqarnermut immersuiffissaq tunniutissavarsi.

**Malugiuk**Qinnuteqaatissi suliarinera sivisusinnaammat aaqqissuussinissaq ullunik arfineq-pingasunik sioqqutsisumik kingusinnerpaamik qinnuteqassaasi. E-mail-ikkut, allakkatigut imaluunniit oqarasuaatikkut akissutisissaasi.

**Kommuneqarfik Sermersuumi Ataasiaannartumik akuersissummik qinnuteqarniaruit, imannak iliussaatit:**Ataasiaannartumik akuersissummik qinnuteqarniaruit politeeqarfimmukaqqaassaatit, politeeqarfimmi qinnuteqaammut tusarniut, politiit peqatigalugit immersussavat.

[Ataasiaannartumik pisussamut akuersissummut tusarniaanermut immersugassaq](https://www.sullissivik.gl/Emner/Kultur_og_Fritid/-/media/03403F36EA524E9DBF57F9179978EEB6.ashx)
Politiit peqatigalugit ”Ataasiaannartumik pisussamut akuersissummut tusarniaanermut immersugassaq” immersoreerukku,”Imigassallersinnaanermut ataasiaannartumik akuersissut/imigassanik kimittuunik” immersoreersimasat ilanngullugu Innuttaasunut Kiffartuussivimmut tunniutissavat.

[Imigassallersinnaanermut ataasiaannartumik akuersissut/imigassanik kimittuunik tuniniaasinnaanermut ataasiaannartumik akuersissut](https://www.sullissivik.gl/Emner/Kultur_og_Fritid/-/media/6C6FA0CA57B54443AC16C5E9C532B4C9.ashx)
Innuttaasunut Kiffartuusivimminngaanniit qinnuteqaat suliarereerlugu, aalajangiussaq ilinnut qinnuteqartumut Innuttaasunut Kiffartuussivimminngaanniit nalunaarutigiumaarpaat.

#### Aamma atuarsinnaavat

[Imigassanik aalakoornartortalinnik nioqquteqarsinnaanermut/sassaallersinnaanermut akuersissut](https://sermersooq.gl/kl/imigassanik-nioqquteqarsinnaanermut-akuersissut/)

[Imigassanik nioqquteqarsinnaanermut akuersissut](https://sermersooq.gl/MOLIRIPAGE/a23f1d91-2f79-4dcc-b986-c66c0273e995)

## Attaviguk: Suliffeqarfiup iluani kiffartuussineq

Kommuneqarfik Sermersooq  Suliffeqarfiup iluani kiffartuussineq  Imaneq 32  3900 Nuuk

### Sianerit

[+299 36 70 00](tel:+299%2036%2070%2000)

### Uagutsinnut allagit

[E-mail](mailto:kommuneqarfik@sermersooq.gl)

### Eqqaamassatut allagaq

                            Akiligassanut GLN-normu: 5790002421983