---
title: "Nuummi Inuusuttunik Sullissivik"
date: "2026-06-09"
created: "2026-06-09"
---

[Saqqaa](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Ulluinnarni ikiorneqarneq](https://sermersooq.gl/innuttaasunut/ulluinnarni-ikiorneqarneq)

                    [Qimarnguiit angerlarsimaffeqanngitsunullu unnuisarfiit](https://sermersooq.gl/innuttaasunut/ulluinnarni-ikiorneqarneq/qimarnguiit-angerlarsimaffeqanngitsunullu-unnuisarfiit)

                [Nuummi Inuusuttunik Sullissivik](https://sermersooq.gl/innuttaasunut/ulluinnarni-ikiorneqarneq/qimarnguiit-angerlarsimaffeqanngitsunullu-unnuisarfiit/nuummi-inuusuttunik-sullissivik)

# Nuummi Inuusuttunik Sullissivik

Her kan du læse mere om Ungecenter Nuuk – herunder hvilke tilbud vi har, og hvordan børn og unge kan få støtte.

Tassani Inuusuttunik Sullissivik Nuuk – ilanngullugit inuusuttunik sullissiviup neqeroorutai aamma inuusuttut qanoq tapersersorneqarsinnaanerat atuarsinnaavatit.

Nuummi Inuusuttunik Sullissivik meeqqanik inuusuttunillu 6-iniit 17-inut ukiulinnut toqqissisimatitsinissamik, atugarissaarnissamik ineriartornissamillu pilersitsiniarluni suliniuteqarpoq. Inuusuttup pisariaqartitaa inissisimaneralu apeqqutaatillugit tapersersueriaatsit assigiinngitsut neqeroorutigivavut. Suliniutivut peqataanermik, atassuteqarnermik aamma toqqissisimanartunik ataatsimoorfeqarnermik tunngaveqarput – inuusuttullu sumiiffianni naapittarpavut.

### Inuusuttunik Sullissiviup suliniutai pingaarnerit pingasut tassaapput:

## Ujartuillutik Inuusuttunik siunnersuisartut (6 – 17-inik ukiullit)

## **Siunertaq:**

 Ujartuillutik Inuusuttunik Siunnersuisartut illoqarfimmi takussaapput aamma meeqqanik inuusuttunillu angerlarsimaffiup avataani tapersersorneqarnissaminnik pisariaqartitsisunut attaveqartarput. Siunnersuisartut nikerartumik ullaamiit unnummut sulisarput inuusuttunillu Inuusuttunik Sullissivimmi ataatsimoornernut sammisassanullu qaaqqusisarput.

### **Ilaatigut makkua neqeroorutigivavut:**

- Sumiiffik toqqissisimanartoq isumalinnillu sammisassalik
- Oqaloqateqarnissamut tapersersorneqarnissamillu periarfissaq
- Ataatsimoornernut misigisassanullu akuutitsineq

## Ornittagaq (10 – 17-inut ukiulinnut)

## **Siunertaq:**

 Ornittagaq meeqqanut inuusuttunullu 10-niit 17-inut ukiulinnut eqqissisimaarfiuvoq, ulluinnaminnit unammillernartumit unikaallalaarnissamik pisariaqartitsisunut. Tassani inersimasut najuullutik peqataasut naapissinnaavaat, nerillutillu pisariaqartikkunikku toqqissisimanartumi unnuiffigisinnaavaat.

### **Ilaatigut makkua neqeroorutigivavut:**

- Avatangiiseq toqqissisimanartoq allanngorartuunngitsorlu
- Angerlarnissaminnut toqqissisimanngitsunut (inuusuttut 10-t angullugit) unnuisoqarsinnaavoq

## Toqqissisimanissaq pillugu angalaaqatigiittartut (6 – 17 år)

## **Siunertaq:**

 Toqqissisimanissaq pillugu angalaaqatigiittartut unnuakkut Nuup aqquserngini angalaartarput, meeqqanik inuusuttunillu unnukkut unnuamilu angalaartunik naapitsisarlutik. Inuussuttut oqaloqatigisarpavut, toqqissisimanartumiinnissaannut ikiortarpavut neqeroorfigisarlugillu klubbinukaannissaannut, angerlarnissaannut imaluunniit Ornittakkamukarnissaannut ingerlannissaannik.

### **Ilaatigut makkua neqeroorutigivavut:**

- Unnuami toqqissisimanartumiinneq najorneqarnerlu
- Angerlamut imaluunniit toqqissisimanartumut ingerlassineq

## Attaviguk: Katsorsaaviutigaluni Angerlarsimaffik Saqqarlernut

Katsorsaaviutigaluni Angerlarsimaffik Saqqarlernut  Farip Aqqutaa 10  3900 Nuuk

### Sianerit

[+299 36 64 66](tel:+299%2036%2064%2066)

### Uagutsinnut allagit

[E-mail](mailto:ungecenter@sermersooq.gl)

### Eqqaamassatut allagaq

                            Akiligassanut GLN-normu: 5790002293207