---
title: "Najugaqalernissamut sungiusarfinnut qinnuteqarnissamut periarfissaq"
date: "2026-10-21"
created: "2026-10-05"
---

[Hjem](https://sermersooq.gl/)

                    [Innuttaasunut](https://sermersooq.gl/innuttaasunut)

                    [Ulluinnarni ikiorneqarneq](https://sermersooq.gl/innuttaasunut/ulluinnarni-ikiorneqarneq)

                [Najugaqalernissamut sungiusarfinnut qinnuteqarnissamut periarfissaq](https://sermersooq.gl/innuttaasunut/ulluinnarni-ikiorneqarneq/najugaqalernissamut-sungiusarfinnut-qinnuteqarnissamut-periarfissaq)

# Najugaqalernissamut sungiusarfinnut qinnuteqarnissamut periarfissaq

Tasiu-mi inulerisut, ineqarnermut akiliuteqarsinnaasunut, sulisunut ilinniakkamilluunniit ingerlatsisunut, ineqalernissamut sungiusarfimmut qinnuteqaatinik tigusisarput. Aaqqissuussaq ukioq ataaseq affarlu tikillugu, sivitsorneqarsinnaasumik, ineeqqamik attartornissamut periarfissiivoq. Patajaallisaanissaq aamma innuttaasut ulluinnarminnik, suliffimminnik ilinniarnerminnilluunniit attassiinnarnissaannik tapersersuinissaq anguniagaavoq. Qinnuteqaatit pingasunngornerit tamaasa, nal. 10:00 aamma 14:00 akornanni Angerlarsimaffeqanngitsut unnuisarfianni Ungaami Kongevej 5 B, Nuummi nassiunneqarsinnaapput. Aaqqiissummut ilanngunniaraanni ilaatigut ineqarnermut akiliisinnaassuseqarneq pillugu uppernarsaammik, akissarsiat allagartaannik aamma INI A/S-imut aamma Iserimmut allatsissimanermut uppernarsaatinik takutitsisoqartassaaq. **Tasiumi Inulerisut oqaatigaat:***"Innuttaasut namminneq inissisimaffimminnut suliffeqarnikkut ilinniarnikkulluunniit akissussaaffimmik tigusereersimasunut patajaatsumik atugassaqarnissaannut pilersitsinissaq kissaatigaarput. Siunissami patajaannerusumik inissisimanissamut ineqalernissamut sungiusarnissaq alloriaataavoq pingaaruteqarluinnartoq,*" *Tasiu/Angerlarsimafeqanngitsut pillugit suliassaqarfimmi* Immikkoortortami aqutsisoq Marthannguaq Dahl Bech oqarpoq.

## **Paasissutissat pisariaqartut:**

- **Sumiiffik:** Angerlarsimaffeqanngitsunut unnuisarfik Ungaaq, Kongevej 5 B, Nuuk
- **Piffissaq:** Pingasunngornermi nal. 10:00 - 14:00 tungaanut
- **Saaffissaq:** Tasiu Inulerisut ugguuna angerlarsimaffeqanngitsut@sermersooq.gl imaluunniit mobilikkut: +299 58 79 24

## **Allatsinnermi uppernarsaatit tunniunneqartussat:**

1. Najugaqarfeqannginnermut uppernarsaat, Kommuneqarfik Sermersuumi inunnik nalunaarsuisarfimmi pissarsiarineqartussami allassimassaaq "najugaqarfia ilisimaneqanngilaq"

2. Ineqarnermut akiliisinnaassuseqarnermut uppernarsaat.

3. Akissarsiat allagartaat kingulliit pingasut imaluunniit kingulleq sulileqqammersimagaanni imaluunniit ilinniarnermut atatillugu isumaqatigiissusioqqammersimagaanni.

4. Ini A/S aamma Iserit-imi initaarniarluni allatsissimanermut uppernarsaatit.

5. Inissiaatileqatigiiffimmut akiligassaqaruit naafferarlugu akilersuinissamik aaqqissuussineq takutinneqassaaq.

6. Bankimini budgetkonto pilersissimaneranut uppernarsaat.

7. Soorunami qinnuteqartup aqqa attaviginissaanullu paasissutissat qinnuteqaammi ilisimatitsissutigineqassapput. Najugaqartoq ineqalernissamut sungiusartoq pillugu inuttut paasissutissanut immersugaq, ineqarnermut isumaqatigiissut, iliuusissatut pilersaarut aamma malinnaaffiginninneq ilaatinneqassapput